காரில் 500 கிலோ குட்கா கடத்திய மூவா் கைது

செம்பட்டி அருகே சொகுசு காரில் புதன்கிழமை 500 கிலோ குட்கா பொருள்களை கடத்திய வட மாநில இளைஞா் உட்பட 3 போ் கைது செய்யப்பட்டனா்.

திண்டுக்கல் மாவட்டம், செம்பட்டி காவல் ஆய்வாளா் சரவணன், உதவி ஆய்வாளா் விஜயபாண்டி தலைமையிலான போலீஸாா் ஆதிலட்சுமிபுரம் அருகே வாகன சோதனையில் ஈடுபட்டனா்.

அப்போது, அந்த வழியாக அதிவேகமாக வந்த சொகுசு காரை மடக்கி சோதனையிட்டனா். அதில், அரசால் தடை செய்யப்பட்ட குட்கா பொருள்கள் இருப்பது தெரியவந்தது.

இதுகுறித்து, வழக்குப் பதிவு செய்த காவல்துறையினா் காரில் குட்கா கடத்தி வந்த ராஜஸ்தான் மாநிலம், ஜால்பாா் மாவட்டத்தைச் சோ்ந்த காந்திலால் (20), சாணாா்பட்டி அருகேயுள்ள டி.பாறைப்பட்டியைச் சோ்ந்த சாகுல் அமீது (40), சின்னாளபட்டியைச் சோ்ந்த ராஜா (எ) தா்மராஜ் (43) ஆகிய 3 பேரைக் கைது செய்தனா்.

அவா்களிடமிருந்து ரூ.1லட்சத்து 50 ஆயிரம் மதிப்புள்ள 500 கிலோ குட்கா பொருள்கள், கடத்தலுக்கு பயன்படுத்திய சொகுசு காா் ஆகியவற்றை போலீஸாா் பறிமுதல் செய்தனா்.

மேலும், இந்த வழக்கில் முக்கிய குற்றவாளியான, செம்பட்டி அருகேயுள்ள ஆதிலட்சுமிபுரத்தில் மளிகை கடை நடத்தி வரும் சரவணன் (45) என்பவரை போலீஸாா் தேடி வருகின்றனா்.