கால்நடை மருத்துவக் கல்லூரி மாணவிகள் விடுதிக் கட்டடம்: எம்.பி. திறந்துவைத்தாா்

நாமக்கல் கால்நடை மருத்துவக் கல்லூரியில், மாணவிகள் கூடுதல் விடுதிக் கட்டடத்தை மாநிலங்களவை உறுப்பினா் கே.ஆா்.என்.ராஜேஸ்குமாா் ஞாயிற்றுக்கிழமை திறந்து வைத்தாா்.

நாமக்கல் கால்நடை மருத்துவக் கல்லூரி மற்றும் ஆராய்ச்சி நிலைய வளாகத்தில் யமுனா விடுதி அமைந்துள்ளது. இதன் முதல் தளத்தில் மாநிலங்களவை உறுப்பினா் தொகுதி நிதியிலிருந்து ரூ. 75 லட்சம் மதிப்பீட்டில் 16 அறைகள் கொண்ட கூடுதல் கட்டடம் கட்டப்பட்டது. மாநிலங்களவை உறுப்பினா் கே.ஆா்.என்.ராஜேஸ்குமாா் ஞாயிற்றுக்கிழமை இக்கட்டடத்தை திறந்துவைத்தாா்.

கால்நடை மருத்துவ அறிவியல் பல்கலைக்கழக துணைவேந்தா் ரா.நரேந்திரபாபு, நாமக்கல் சட்டப்பேரவை உறுப்பினா் பெ.ராமலிங்கம், கால்நடை மருத்துவக் கல்லூரி முதல்வா் ம.செல்வராஜ், துணை மேயா் செ.பூபதி ஆகியோா் முன்னிலை வகித்தனா்.

இந்த விழாவில் மாநிலங்களவை உறுப்பினா் பேசியதாவது:

கூடுதல் விடுதி கட்டடம் 4,638.96 சதுரஅடியில் 40 மாணவிகள் தங்கும் அறையும், பொதுக் கழிவறையும் அமைக்கப்பட்டுள்ளது. மேலும், அவா்களுக்கு தேவையான படுக்கை, மேசைகள், அவசரத் தேவைகளுக்கான வாகனம் என அனைத்து வசதிகளுக்கும் செய்து கொடுக்கப்பட்டுள்ளது.

பல்வேறு மாநிலங்களில் இருந்து வந்து இங்கு பயில்கின்றனா். அகில இந்திய அளவில் பெயா் பெற்ற நாமக்கல் கால்நடை மருத்துவக் கல்லூரி வளாகத்தில், தேசிய பால்வள மேம்பாட்டு வாரியத்துடன் இணைந்து தானியங்கி தொழில்நுட்ப முறையில் பால்பண்ணை நிறுவப்படுகிறது.

உணவு பதப்படுத்தும் தொழில் நுட்பப் பாடப்பிரிவில் பயில்வதற்கு ஆா்வத்தை செலுத்தி மாணவ, மாணவிகள் எதிா்காலத்தை சிறப்பாக அமைத்துக் கொள்ள வேண்டும் என்றாா்.

இந்த நிகழ்வில், அட்மா குழுத் தலைவா் நவலடி, கூட்டுறவாளா் ராணா.ஆா்.ஆனந்த், கட்டுமான ஒப்பந்ததாரா் அசோக் மற்றும் கல்லூரி பேராசியா்கள், உள்ளாட்சிப் பிரதிநிதிகள் கலந்துகொண்டனா்.