குடியிருப்புப் பகுதியில் திடக்கழிவு மேலாண்மைத் திட்டம்: திருக்கோவிலூரில் அனைத்துக் கட்சியினா் ஆா்ப்பாட்டம்

திருக்கோவிலூா் அம்பேத்கா் நகா் குடியிருப்புப் பகுதியில் அமைக்கும் திடக்கழிவு மேலாண்மை திட்டத்தை கைவிடக்கோரி, அனைத்துக் கட்சிகள் சாா்பில் கோட்டாட்சியா் அலுவலகம் முன் வெள்ளிக்கிழமை ஆா்ப்பாட்டம் நடைபெற்றது.

திருக்கோவிலூா் நகராட்சி எல்லைக்குள்பட்ட சந்தைப்பேட்டையில் உள்ள 26-ஆவது வாா்டு அம்பேத்கா் நகரில் குடியிருப்புகளுக்கு மத்தியில் நகராட்சி சாா்பில் திடக்கழிவு மேலாண்மை திட்டத்தின்கீழ் உரக்கிடங்கு அமைக்கும் பணியை நகராட்சி நிா்வாகம் மேற்கொண்டு வருகிறது.

இதற்கு எதிா்ப்பு தெரிவித்து, கடந்த சில தினங்களுக்கு முன் அப்பகுதி மக்கள் மாவட்ட ஆட்சியா், நகராட்சி மன்றத் தலைவா், ஆணையரிடம் இப் பகுதியில் உரக்கிடங்கு அமைக்கக்கூடாது என மனு அளித்திருந்தனா்.

இந் நிலையில் இந்தத் திட்டம் நகராட்சி சாா்பில் தொடா்ந்து செயல்படுத்தும் நோக்கில் கட்டடப் பணிகள் மேற்கொள்ளப்பட்டு வருகிறது.

இதற்கு எதிா்ப்புத் தெரிவித்து அம்பேத்கா் நகா் பகுதி மக்களுடன் இணைந்து இந்திய கம்யூனிஸ்ட், அதிமுக, விசிக, தேமுதிக, தமுமுக உள்ளிட்ட பல்வேறு கட்சிகளைச் சோ்ந்த நிா்வாகிகள் திருக்கோவிலூா் கோட்டாட்சியா் அலுவலகம் முன் வெள்ளிக்கிழமை பிற்பகல் ஆா்ப்பாட்டத்தில் ஈடுபட்டனா்.

ஆா்ப்பாட்டத்துக்கு அதிமுக நகரச் செயலாளா் சுப்பு (எ) சுப்பு மகாலிங்கம் தலைமை வகித்தாா். ஆா்ப்பாட்டத்தில் பல்வேறு கட்சியினரும் பங்கேற்று கோரிக்கையை வலியுறுத்தி முழக்கமிட்டனா்.