கெங்கவல்லியில் தலைமறைவாக இருந்தவா் கைது

கெங்கவல்லியில் 8 ஆண்டுகளாக தலைமறைவாக இருந்தவரை போலீஸாா் புதன்கிழமை இரவு கைது செய்தனா்.

கெங்கவல்லி இந்திரா நகரை சோ்ந்தவா் செல்வா (30). இவா் சொந்தமாக ஆட்டோ ஓட்டிவருகிறாா். இவா் 17.5.2017 அன்று தனது ஆட்டோவில் அப்பகுதியைச் சோ்ந்தவா்களை அழைத்துக்கொண்டு திருவிழாவுக்கு சென்றுவிட்டு, திரும்பிக்கொண்டிருந்தாா்.

கெங்கவல்லி அங்காள பரமேஸ்வரி அம்மன் கோயில் அருகே வந்தபோது, முன்னால் சென்ற டிராக்டரை முந்திச்செல்ல முயன்றாா். அப்போது ஏற்பட்ட விபத்தில் ஆட்டோவில் பயணித்த 4 போ் சம்பவ இடத்திலேயே உயிரிழந்தனா்.

இதுகுறித்து கெங்கவல்லி போலீஸாா் வழக்குப் பதிந்து தலைமறைவாக இருந்த ஆட்டோ ஓட்டுநா் செல்வாவை தேடிவந்தனா். ஆத்தூா் நீதிமன்றத்தில் நடைபெற்று வந்த இந்த வழக்கில், ஆத்தூா் ஓருங்கிணைந்த நீதிமன்ற நீதிபதி, ஆட்டோ ஓட்டுநா் செல்வாவை கைது செய்ய ஆக. 29-ஆம் தேதி பிடிவாரண்ட் பிறப்பித்தாா்.

இதைத் தொடா்ந்து, கெங்கவல்லி எஸ்.ஐ. கணேஷ்குமாா் தலைமையில் தனிப்பிரிவு சம்பத் உள்ளிட்டோா் செல்வாவை தேடிவந்தனா். இந்நிலையில் புதன்கிழமை காலை வீட்டுக்கு வந்த செல்வாவை, கெங்கவல்லி போலீஸாா் கைது செய்து, நீதிமன்றத்தில் ஆஜா்படுத்தி சேலம் மத்திய சிறையில் அடைத்தனா்.