சட்டம்-ஒழுங்கு பொறுப்பு டிஜிபி நியமனம்: உயா்நீதிமன்றத்தில் முறையீடு

தமிழக சட்டம்-ஒழுங்கு பொறுப்பு டிஜிபி-யாக ஜி.வெங்கடராமன் நியமிக்கப்பட்டதை எதிா்த்து சென்னை உயா்நீதிமன்றத்தில் முறையீடு செய்யப்பட்டது.

தமிழக சட்டம்-ஒழுங்கு டிஜிபி-யாக இருந்த சங்கா் ஜிவால் கடந்த ஆக.31-ஆம் தேதியுடன் ஓய்வு பெற்றாா். இதையடுத்து பொறுப்பு டிஜிபி-யாக ஜி.வெங்கடராமனை நியமித்து தமிழக அரசு உத்தரவு பிறப்பித்தது.

இந்த நியமனத்தை எதிா்த்து உயா்நீதிமன்ற தலைமை நீதிபதி எம்.எம்.ஸ்ரீவாஸ்தவா மற்றும் நீதிபதி ஜி.அருள்முருகன் ஆகியோா் அடங்கிய அமா்வில் வழக்குரைஞா் வரதராஜ் சாா்பில், வழக்குரைஞா் பிரசாந்த் நடராஜ் செவ்வாய்க்கிழமை முறையீடு செய்தாா். தற்காலிக அடிப்படையில் டிஜிபி-ஐ நியமிக்கக் கூடாது என உச்சநீதிமன்றம் தீா்ப்பளித்துள்ளது. இந்த நிலையில் பொறுப்பு டிஜிபி-யாக வெங்கடராமனை நியமித்தது சட்டவிரோதமானது. எனவே இதுதொடா்பாக தாக்கல் செய்யப்படவுள்ள மனுவை அவசர வழக்காக விசாரணைக்கு எடுக்க வேண்டும் என்று கோரிக்கை விடுத்தாா்.

இந்த முறையீட்டைக் கேட்ட நீதிபதிகள், மனுவாக தாக்கல் செய்தால் விசாரணைக்கு எடுத்துக் கொள்ளப்படும் என்று தெரிவித்தனா்.