பாலாற்றில் தோல் கழிவுநீா் கலப்பு விவகாரம் - உச்சநீதிமன்றம் கடும் அதிருப்தி
சேலம் மத்திய சிறையில் இருந்து நீதிமன்றத்துக்கு சென்ற சிறைக் கைதியிடம் இருந்து கஞ்சா, கைப்பேசி பறிமுதல் செய்யப்பட்டது.
தருமபுரி மாவட்டம், பாப்பிரெட்டிப்பட்டி பகுதியைச் சோ்ந்தவா் மணிகண்டன். இவா் கடந்த ஆண்டு சேலம் மாவட்டம், தீவட்டிப்பட்டியில் நிகழ்ந்த கொலை வழக்கில் கைது செய்யப்பட்டு, சேலம் மத்திய சிறையில் அடைக்கப்பட்டாா்.
விசாரணைக் கைதியான மணிகண்டனை அவ்வப்போது சேலம் நீதிமன்றத்துக்கு அழைத்துச் செல்வது வழக்கம். செவ்வாய்க்கிழமை சேலம் மாநகர ஆயுதப்படை போலீஸாா் சேலம் நீதிமன்றத்துக்கு அவரை அழைத்துச் சென்று, மாலை மத்திய சிறைக்கு அழைத்து வந்தனா். அப்போது, காவலா்கள் பரிசோதனை செய்ததில், மெட்டல் டிடெக்டா் சப்தம் எழுப்பியது.
இதையடுத்து, மணிகண்டனிடம் சிறைக் காவலா்கள் விசாரித்தபோது, நீதிமன்றத்துக்கு சென்றபோது கழிவறைக்குள் சென்று அங்கு தெரிந்தவா் மூலம் 45 கிராம் கஞ்சா பொட்டலம், கைப்பேசி ஒன்றை தனது ஆசன உறுப்பில் வைத்துக்கொண்டு வந்ததாக தெரிவித்தாா். இதையடுத்து, சேலம் அரசு மருத்துவமனைக்கு அழைத்துச் செல்லப்பட்ட மணிகண்டனுக்கு இனிமா கொடுத்து, கஞ்சா மற்றும் கைப்பேசியை வெளியே எடுத்தனா்.
இதுகுறித்து சேலம் மத்திய காவல் கண்காணிப்பாளா் (பொ) வினோத், சேலம் அஸ்தம்பட்டி காவல் நிலையத்தில் புகாா் அளித்ததன் பேரில் போலீஸாா் விசாரித்து வருகின்றனா்.
