சிவகங்கை அருகே சகோதர, சகோதரி உறவுமுறை கொண்ட இருவா் அருகருகே உள்ள வீடுகளில் வியாழக்கிழமை இரவு தூக்கிட்டுத் தற்கொலை செய்துகொண்டது தொடா்பாக போலீஸாா் விசாரித்து வருகின்றனா்.
சிவகங்கை மாவட்டம், தமராக்கி கிராமத்தைச் சோ்ந்தவா் ஹரிராம். இவா் இளையான்குடி பகுதியைச் சோ்ந்த பிரமிளாவை சில ஆண்டுகளுக்கு முன்பு காதலித்துத் திருமணம் செய்துகொண்டாா். இவா்களுக்கு 2 ஆண் குழந்தைகள் உள்ளனா். ஹரிராம் தற்போது வெளிநாட்டில் பணிபுரிந்து வருகிறாா். பிரமிளா (27) குழந்தைகளுடன் தமராக்கி கிராமத்தில் வசித்து வந்தாா். ஹரிராமின் உறவினா் மகன்அஜித்குமாா் (24) என்பவரும் ஹரிராமின் வீட்டுக்கு அருகிலேயே வசித்து வந்தாா். இந்த நிலையில், வியாழக்கிழமை இரவு பிரமிளா அவரது வீட்டிலும், அஜித்குமாா் அவரது வீட்டிலும் தூக்கிட்டு ஒரே நேரத்தில் தற்கொலை செய்து கொண்டனா்.
தகவலறிந்து சம்பவ இடத்துக்குச் சென்ற சிவகங்கை தாலுகா போலீஸாா் இருவரது உடல்களையும் மீட்டு, உடல்கூறாய்வுக்காக சிவகங்கை அரசு மருத்துவக் கல்லூரி மருத்துவமனைக்கு அனுப்பி வைத்தனா். மேலும், இது குறித்து போலீஸாா் வழக்குப் பதிவு செய்து விசாரித்து வருகின்றனா்.
