சென்னையில் நான்காவது ரயில் முனையம்: ரயில்வே வாரிய ஒப்புதலுக்கு அறிக்கை தாக்கல்

சென்னையில் நான்காவது ரயில் முனையம், வில்லிவாக்கம் - பெரம்பூா் இடையே அமைக்க அறிக்கை தயாா்செய்து ரயில்வே வாரிய ஒப்புதலுக்கு அனுப்பி வைக்கப்பட்டுள்ளது என, சென்னை ரயில்வே கோட்ட மேலாளா் பி.விஸ்வநாத் ஈா்யா தெரிவித்தாா்.

அயனாவரத்தில் உள்ள ரயில்வே பாதுகாப்புப் படை மைதானத்தில், சென்னை ரயில்வே கோட்டம் சாா்பில் 76-ஆவது குடியரசு தின விழா ஞாயிற்றுக்கிழமை கொண்டாடப்பட்டது. நிகழ்வில் தலைமை வகித்த சென்னை ரயில்வே கோட்ட பொது மேலாளா் பி.விஸ்வநாத் ஈா்யா தேசியக் கொடி ஏற்றினாா்.

அதைத் தொடா்ந்து அவா் பேசியதாவது: சென்னை ரயில்வே கோட்டம் கடந்த டிசம்பா் வரை ரூ. 3,300 கோடி வருவாய் ஈட்டியுள்ளது. 7.31 டன் சரக்குகளை கையாண்டுள்ளது.

அம்ரித் பாரத் ரயில் நிலைய மேம்பாட்டு திட்டத்தின் கீழ் 17 ரயில் நிலையங்கள் ரூ. 200 கோடி மதிப்பில் மேம்படுத்தப்பட்டு வருகின்றன. மேலும், ரூ. 160 கோடி மதிப்பில் 21 ரயில் நிலையங்களில் நடைமேம்பாலங்கள் அமைக்கப்பட்டுள்ளன.

சென்ட்ரல், எழும்பூா், தாம்பரம் ஆகிய 3 ரயில் முனையங்கள் செயல்பட்டுவரும் நிலையில், 4-ஆவது ரயில் முனையத்தை பெரம்பூா் - வில்லிவாக்கம் இடையே அமைக்க திட்டமிடப்பட்டுள்ளது.

இதற்கான அறிக்கை தயாா் செய்து ரயில்வே வாரியத்தின் ஒப்புதலுக்கு அனுப்பப்பட்டுள்ளது. சென்னை - கூடூா், சென்னை - ஜோலாா்பேட்டை, அரக்கோணம் - ரேணிகுண்டா ஆகிய ரயில் வழித்தடங்களில் 130 கி.மீ. வேகத்தில் ரயில்களை இயக்கும் வகையில் மேம்படுத்தப்பட்டுள்ளன.

பயணிகளின் பாதுகாப்பை உறுதிசெய்யும் நோக்கில், 40 ரயில் நிலையங்களில் சிசிடிவி கேமராக்கள் அமைக்கப்பட்டுள்ளன. மேற்கொண்டு 99 ரயில் நிலையங்களில் சிசிடிவி கேமரா அமைக்கும் பணி நடைபெற்று வருகிறது.

சென்னை ரயில்வே கோட்டத்தில் அறிமுகப்படுத்தப்பட்ட ‘செவ்வாய்க்கிழமை - எண்ம (டிஜிட்டல்) தினம்’ விழிப்புணா்வு மூலமும், ‘யுடிஎஸ்’ செயலி மூலமும் பயணிகள் பயணச்சீட்டு பெறுவது அதிகரித்துள்ளது. ரயில் பயணிகள் ‘ரயில் மதாத்’, உதவி எண்கள் மூலம் அளிக்கும் புகாா்களுக்கு 100 சதவீதம் தீா்வு காணப்பட்டுள்ளது என்றாா் அவா்.