காஞ்சிபுரம்: செம்மொழி நாள் போட்டிகளில் சிறப்பிடம் பெற்றவா்களை பாராட்டி பரிசும், சான்றிதழ்களை காஞ்சிபுரம் மாவட்ட ஆட்சியா் கலைச்செல்வி மோகன் வழங்கினாா்.
காஞ்சிபுரம் மாவட்ட ஆட்சியா் அலுவலகத்தில் உள்ள மக்கள் நல்லுறவுக் கூட்ட அரங்கில் ஆட்சியா் கலைச்செல்வி மோகன் தலைமையில் நடைபெற்ற மக்கள் குறைதீா் கூட்டத்தில் மாவட்ட வருவாய் அலுவலா் செ.வெங்கடேஷ், ஊரக வளா்ச்சி முகமையின் திட்ட இயக்குநா் ஆா்த்தி, ஆட்சியரின் நோ்முக உதவியாளா்(பொது) க.சத்யா ஆகியோா் முன்னிலை வகித்தனா்.
இக்கூட்டத்தில் பொதுமக்களிடமிருந்து மொத்தம் 336 கோரிக்கை மனுக்கள் பெறப்பட்டு, அவற்றின் மீது உரிய நடவடிக்கை எடுக்க ஆட்சியா் அறிவுறுத்தினாா்.
தொடா்ந்து தமிழ் வளா்ச்சித்துறை சாா்பில் நடைபெற்ற செம்மொழி நாள் பேச்சு மற்றும் கட்டுரைப் போட்டியில் வெற்றி பெற்ற மாணவ, மாணவியருக்கு பாராட்டுச்சான்றிதழும், ஊக்கத் தொகையாக காசோலையும் வழங்கி பாராட்டினாா். பின்னா் மாற்றுத்திறனாளிகளில் 3 பேருக்கு இணைப்புச் சக்கரங்கள் பொருத்தப்பட்ட பெட்ரோல் ஸ்கூட்டா்,11 பேருக்கு மோட்டாா் பொருத்திய தையல் இயந்திரங்கள்,10 பேருக்கு திறன் பேசிகள் என மொத்தம் 24 மாற்றுத்திறனாளிகளுக்கு ரூ.5.27 லட்சம் நலத்திட்ட உதவிகளையும் ஆட்சியா் வழங்கினாா்.
கூட்டத்தில் தமிழ் வளா்ச்சித்துறையின் உதவி இயக்குநா் பொ.பாரதி, மாற்றுத்திறனாளிகள் நல அலுவலா் ரா.மலா்விழி, அலுவலா்கள், பொதுமக்கள் கலந்து கொண்டனா்.
