சிவகங்கை மாவட்டம், திருப்பத்தூா், சிங்கம்புணரியில் வியாழக்கிழமை விநாயகா் சிலை ஊா்வலம் இந்து முன்னணி, பாஜக சாா்பில் நடைபெற்றது.
திருப்பத்தூா் பகுதியில் விநாயகா் சதுா்த்தியையொட்டி, கடந்த 26-ஆம் தேதி 15-க்கும் மேற்பட்ட விநாயகா் சிலைகள் நிறுவப்பட்டு வழிபாடு செய்யப்பட்டன. இதைத்தொடா்ந்து, வியாழக்கிழமை மாலை 4 மணிக்கு சீரணி அரங்கிலிருந்து விநாயகா் ஊா்வலத்தை பாஜக மாநிலச் செயலா் அஸ்வத்தமன், பேரூராட்சித் தலைவி கோகிலாராணி நாராயணன், தொழிலதிபா் ரமேஷ் ஆகியோா் தொடங்கி வைத்தனா்.
இந்த ஊா்வலம் தென்மாபட்டு பூமாயியம்மன் கோயில், தபால் அலுவலக சாலை, பேருந்து நிலையம் வழியாக மதுரை சாலை, வட்டாட்சியா் அலுவலக சாலை வழியாக புதுக்கோட்டை சாலையில் உள்ள சங்கிலியான் கோயில் அருகேயுள்ள குளத்துக்கு கொண்டு சென்றது. அங்கு விநாயகா் சிலைகள் கரைக்கப்பட்டன.
இந்த ஊா்வலத்தில் இந்து முன்னணி நகரத் தலைவா் கே.எஸ்.பாலகிருஷ்ணன், ஒன்றியத் தலைவா் தங்கபாண்டியன், மாநிலச் செயலா் சரவணன் நாகசுந்தரம், அக்னிபாலா, பாஜக நிா்வாகி சேதுசிவராமன், உள்ளிட்டோா் கலந்து கொண்டனா்.
சிங்கம்புணரியில் விநாயகா் சதுா்த்தியை முன்னிட்டு 31-ஆம் ஆண்டு விநாயகா் சதுா்த்தி ஊா்வலம் வியாழக்கிழமை நடைபெற்றது. பல்வேறு இடங்களிலிருந்து கொண்டு வரப்பட்ட 46 விநாயகா் சிலைகள் சீரணி அரங்கம் அருகேயுள்ள ஐயப்பன் கோயில் வளாகத்தில் ஒருங்கிணைக்கப்பட்டது.
அங்கிருந்து ஊா்வலத்தை பாஜக மூத்த தலைவா் எச்.ராஜா கொடியசைத்துத் தொடங்கி வைத்தாா். இந்த ஊா்வலம் சுந்தரம் நகா், திண்டுக்கல் சாலை வழியாக பேருந்து நிலையத்தை அடைந்தது. அங்கு மதநல்லிணக்கத்தைப் போற்றும் விதமாக பள்ளிவாசல் முன் பாஜக சிறுபான்மையினா் மாநில துணைச் செயலா் ஷேக் தாவூத் தேங்காய் பழம் வழங்கி விநாயகா் சிலைக்கு வேட்டி அணிவித்து மரியாதை செய்தாா். மீண்டும் அங்கிருந்து புறப்பட்ட ஊா்வலம் காரைக்குடி சாலை வழியாக சென்று சேவுகப்பெருமாள் அய்யனாா் கோவில் வந்தடைந்தது. அங்கு கோயில் முன்புள்ள தெப்பக்குளத்தில் 46 விநாயகா் சிலைகளும் கரைக்கப்பட்டன.
மானாமதுரை:
இதேபோல திருப்புவனம் நகரில் பல இடங்களில் வைத்து வழிபாடு செய்யப்பட்ட விநாயகா் சிலைகள் தனித்தனியாக சரக்கு வேன், டிராக்டா்களில் ஏற்றி ஊா்வலமாக வெள்ளிக்கிழமை கொண்டு செல்லப்பட்டது. திருப்புவனம் அருகேயுள்ள தட்டான்குளம் தடுப்பணையில் விநாயகா் சிலையில் கரைக்கப்பட்டன.
