திருச்செந்தூா் கோயிலில் குடமுழுக்கு திருப்பணிகள்: அமைச்சா் ஆய்வு
ஆம்பூா் அருகே தேவலாபுரம் திருமலை திருப்பதி கெங்கையம்மன் கோயில் 95-ஆம் ஆண்டு திருவிழா வியாழக்கிழமை நடைபெற்றது.
மிகவும் பிரசித்தி பெற்ற தேவலாபுரம் திருமலை திருப்பதி கெங்கையம்மன் கோயில் சிரசு திருவிழா கூழ்வாா்த்தல் நிகழ்ச்சியுடன் செவ்வாய்க்கிழமை தொடங்கியது. மாரியம்மன் மற்றும் மாவிளக்கு ஊா்வலம் புதன்கிழமை நடைபெற்றது. 3-ஆவது நாள் அம்மன் சிரசு ஊா்வலம் வியாழக்கிழமை அதிகாலை தொடங்கி நடைபெற்றது. வாண வேடிக்கை நடத்தப்பட்டது.
தேவலாபுரம், ராமச்சந்திராபுரம், காமராஜபுரம், கம்ம கிருஷ்ணம் பள்ளி, வெங்கடசமுத்திரம், மிட்டாளம், வீராங்குப்பம், குமாரமங்கலம், கரும்பூா், கோவிந்தாபுரம், துத்திப்பட்டு, ஆம்பூா் நகரம், வேலூா், திருப்பத்தூா் உள்ளிட்ட ஊா்கள், ஆந்திரா, கா்நாடகா உள்ளிட்ட வெளி மாநிலங்களில் இருந்தும் பக்தா்கள் திருவிழாவில் கலந்து கொண்டு தரிசனம் செய்தனா்.
