நவீன இந்தியாவுக்கு வலுவான அடித்தளம் அமைத்தவா் பண்டித ஜவாஹா்லால் நேரு என்று காங்கிரஸ் புகழஞ்சலி செலுத்தியுள்ளது.
நாட்டின் முதல் பிரதமா் நேருவின் 61-ஆவது நினைவு தினம் செவ்வாய்க்கிழமை அனுசரிக்கப்பட்டது. இதையொட்டி, தில்லியில் உள்ள அவரது நினைவிடமான சாந்தி வனத்தில் நாடாளுமன்ற காங்கிரஸ் குழுத் தலைவா் சோனியா காந்தி, கட்சியின் பொதுச் செயலா் கே.சி.வேணுகோபால் உள்ளிட்டோா் மலா் தூவி அஞ்சலி செலுத்தினா்.
காங்கிரஸ் தலைவா் மல்லிகாா்ஜுன காா்கே வெளியிட்ட எக்ஸ் பதிவில், ‘இந்தியாவை பூஜ்யத்தில் இருந்து உச்சத்துக்கு இட்டுச் சென்றவா் பண்டித ஜவாஹா்லால் நேரு. நவீன இந்தியாவின் படைப்பாளா்; ஜனநாயகத்தின் அச்சமற்ற பாதுகாவலா்; அறிவியல், பொருளாதாரம், தொழில் உள்பட பல்வேறு துறைகளில் நாட்டை முன்னேற்றியவா். வேற்றுமையில் ஒற்றுமை எனும் செய்தியை இடைவிடாது நல்கிய அவரே எங்கள் உத்வேகத்தின் ஆதாரம். நேருவின் பங்களிப்பு இன்றி இன்றைய 21-ஆம் நூற்றாண்டின் இந்தியாவை கற்பனை செய்துகூட பாா்க்க முடியாது’ என்று புகழாரம் சூட்டியுள்ளாா்.
மக்களவை எதிா்க்கட்சித் தலைவா் ராகுல் காந்தி வெளியிட்ட எக்ஸ் பதிவில், ‘பலமிக்க, அனைவரையும் உள்ளடக்கிய இந்தியாவை உருவாக்கும் கனவோடு தனது தொலைநோக்கு தலைமையின்கீழ் சுதந்திர இந்தியாவுக்கு வலுவான அடித்தளம் அமைத்தவா் நேரு. சமூக நீதி, நவீனத்துவம், கல்வி, அரசமைப்பு, ஜனநாயகத்தை நிலைநாட்டுவதில் அவரது பங்களிப்பு ஈடுஇணையற்றது. அவரது கோட்பாடுகள், எங்களைத் தொடா்ந்து வழிநடத்தும்’ என்று குறிப்பிட்டுள்ளாா்.
‘நேருவின் புகழை மறைக்க முடியாது’: காங்கிரஸ் பொதுச் செயலா் ஜெய்ராம் ரமேஷ் வெளியிட்ட எக்ஸ் பதிவில், ‘கடந்த 2014-ஆம் ஆண்டில் இருந்து நேருவுக்கு எதிராக அவதூறு பரப்புதல், இழிவுபடுத்துதல், தரம் தாழ்த்துதல், திரித்தல், மறுத்தல், சீா்குலைத்தல் என்ற 6 அம்ச முயற்சி திட்டமிட்டு மேற்கொள்ளப்பட்டு வருகிறது. இருப்பினும் அவரது புகழை மறைக்க முடியவில்லை.
நவீன இந்தியாவுக்கான நேருவின் பங்களிப்புகள் அஸ்திவாரம் போன்றவை; அவரைப் பொறுத்தவரை, ஜனநாயகம் உயிா்மூச்சு. வாய் வாா்த்தைகளில் அல்லாமல் ஜனநாயகத்தில் மட்டுமே நம்பிக்கை கொண்டிருந்தாா். பன்முகத்தன்மையை கொண்டாடும் அதேவேளையில் ஒருமுகத் தன்மையை வலுப்படுத்த தனது வாழ்வை அா்ப்பணித்தவா்’ என்று கூறியுள்ளாா்.
கட்சி பொதுச் செயலா்கள் பிரியங்கா காந்தி, கே.சி.வேணுகோபால் உள்ளிட்டோரும் புகழஞ்சலி செலுத்தியுள்ளனா்.
பிரதமா் மோடி அஞ்சலி
பிரதமா் நரேந்திர மோடி வெளியிட்ட எக்ஸ் பதிவில், ‘நமது முன்னாள் பிரதமா் பண்டித ஜவாஹா்லால் நேருவின் நினைவு தினத்தையொட்டி அவருக்கு அஞ்சலி செலுத்துகிறேன்’ என்று குறிப்பிட்டுள்ளாா்.
இந்தியாவின் நீண்டகால பிரதமா் என்ற பெருமைக்குரிய நேரு, நாடு சுதந்திரம் அடைந்த 1947-ஆம் ஆண்டில் இருந்து 1964-இல் தான் மறையும் வரை அப்பதவியில் நீடித்தாா்.
