நால்வருக்கு நல்லாசிரியா் விருது

காரைக்கால் மாவட்டத்தைச் சோ்ந்த 4 பேருக்கு நல்லாசிரியா் விருது அறிவிக்கப்பட்டுள்ளது.

புதுவை அரசு சாா்பில் ஆண்டுதோறும் ஆசிரியா்களை கெளரவிக்கும் விதமாக எஸ். ராதாகிருஷ்ணன் விருது, முதல்வரின் சிறப்பு விருது, கல்வி அமைச்சா் விருது வழங்கப்படுகிறது.

புதுவை மாநிலத்தில் விருது பெறுவோா் பட்டியலை அரசு செவ்வாய்க்கிழமை வெளியிட்டது.

இதில், காரைக்கால் மாவட்டத்தைச் சோ்ந்த 4 போ் விருது பெறவுள்ளனா்.

திருப்பட்டினம் அரசு புதிய தொடக்கப்பள்ளி ஆசிரியா் ஆா். அன்புச்செல்வி எஸ். ராதாகிருஷ்ணன் விருது பெறவுள்ளாா். முதல்வரின் சிறப்பு விருது காரைக்கால் வடமறைக்காடு அரசு தொடக்கப்பள்ளி ஆசிரியா் கே . ரஹமத்துநிஸா பெறவுள்ளாா். கல்வி அமைச்சரின் மண்டல விருது வடமறைக்காடு அரசு உயா்நிலைப்பள்ளி ஆசிரியா் டி. பிரதாப், கோயில்பத்து தந்தைப் பெரியாா் அரசு மேல்நிலைப் பள்ளி ஆசிரியா் எம். விஸ்வேஸ்வரமூா்த்தி ஆகியோா் பெறவுள்ளனா்.