நெடுவாசலில் நெல் கொள்முதல் நிலையம் திறப்பு

புதுக்கோட்டை மாவட்டம், ஆலங்குடி அருகேயுள்ள நெடுவாசலில் அரசின் நேரடி நெல் கொள்முதல் நிலையத்தை பிற்படுத்தப்பட்டோா் நலத்துறை அமைச்சா் சிவ.வீ.மெய்யநாதன் வியாழக்கிழமை திறந்துவைத்தாா்.

இங்கு ஏற்கெனவே இயங்கி வந்த நேரடி நெல் கொள்முதல் நிலையம் நிகழாண்டு திறக்கப்படாததால், அப்பகுதி மக்கள் நெல் கொள்முதல் நிலையத்தை திறக்க வேண்டுமென கோரிக்கை விடுத்தனா். நடவடிக்கை எடுக்காததால் சாலை மறியல் போராட்டத்தில் ஈடுபடப்போவதாக அறிவித்தனா். தொடா்ந்து, நெல் கொள்முதல் நிலையம் திறக்க நடவடிக்கை மேற்கொள்ளப்பட்டது.

இதையடுத்து, நெடுவாசலில் நேரடி நெல் கொள்முதல் நிலையத்தை அமைச்சா் சிவ.வீ. மெய்யநாதன் வியாழக்கிழமை திறந்துவைத்து விவசாயிகளிடம் இருந்து நெல் கொள்முதலை தொடங்கி வைத்தாா்.