பல்லடத்தில் ‘கிரைண்டா்’ ஆப் (செயலி) மூலம் கேரள மாநில தொழிலாளியிடம் பழகி பணம் பறித்த பல்லடத்தைச் சோ்ந்த 4 பேரை போலீஸாா் வெள்ளிக்கிழமை கைது செய்தனா்.
கோடங்கிபாளையம் பகுதியில் உள்ள கல்குவாரியில் பணியாற்றி வரும் கேரள மாநிலம், பத்தனம்திட்டா பகுதியைச் சோ்ந்த அனீஷ் (34) என்பவருடன் பல்லடத்தைச் சோ்ந்த இளைஞா்கள் ‘கிரைண்டா் ஆப்’ செயலியில் பழகி வந்துள்ளனா்.
இந்நிலையில், அவரை மாணிக்காபுரம் பகுதிக்கு வரவழைத்து அவரிடம் இருந்து ரூ. 92 ஆயிரம் பணத்தை ஜி பே மூலமாக தங்களது வங்கி கணக்குக்குப் பெற்றுக்கொண்டு அடித்து துரத்தி உள்ளனா்.
அதைத் தொடா்ந்து, பாதிக்கப்பட்ட அனீஷ் பல்லடம் காவல் நிலையத்தில் புகாா் அளித்தாா். இச்சம்பவத்தில் தொடா்புடைய பல்லடம் அம்மாபாளையத்தைச் சோ்ந்த சபரிராஜன் (28), நவீன்குமாா் (25), சந்திரபிரகாஷ் (28), டேனியல் (24) ஆகிய நான்கு பேரை போலீஸாா் வெள்ளிக்கிழமை கைது செய்து கோவை மத்திய சிறையில் அடைத்தனா்.
