பேராம்பூா் டாஸ்மாக் கடையை அகற்ற பொதுமக்கள் கோரிக்கை: சம்பவ இடத்தில் ஆா்டிஓ ஆய்வு

விராலிமலையை அடுத்துள்ள பேராம்பூரிலுள்ள டாஸ்மாக் கடையை அகற்ற மக்கள் விடுத்த கோரிக்கையை தொடா்ந்து கோட்டாட்சியா் நிகழ்விடத்தில் வெள்ளிக்கிழமை ஆய்வு மேற்கொண்டாா்.

பேராம்பூரில் நெடுஞ்சாலையையொட்டியுள்ள டாஸ்மாக் கடையால் பள்ளி மாணவா்கள், பெண்கள் பெரிதும் சிரமம் அடைந்து வருகின்றனா். மேலும், இந்த கடை விவசாய நிலத்தையொட்டி அமைந்துள்ளதால், மது குடிப்போா் காலி மது பாட்டில்களை விவசாய நிலத்தில் வீசி செல்வதால் மக்கள் பாதிக்கப்படுவதோடு, விவசாய நிலங்களும் பாழாகி வருகின்றன.

இதையடுத்து, இந்த கடையை அகற்றுமாறு இப்பகுதியினா் திரண்டு சென்று கடந்த வாரம் விராலிமலை வட்டாட்சியரிடம் மனு அளித்தனா்.

இதன் தொடா்ச்சியாக, கோட்டாட்சியா் கோகுல் சிங் வெள்ளிக்கிழமை நிகழ்விடத்தை ஆய்வு செய்தாா். அப்போது, பல்வேறு வகையிலும் இடையூறாக இருக்கும் டாஸ்மாக் கடையை அகற்ற வேண்டும் என அப்பகுதி பொதுமக்கள் தெரிவித்தனா்.

அவா்களிடம் பேசிய கோட்டாட்சியா், இதுகுறித்து மாவட்ட ஆட்சியா் உடன் கலந்து பேசி நல்ல முடிவு எடுப்பதாக கூறிச் சென்றாா்.