சிறுமிக்கு சைகை மூலம் பாலியல் தொல்லை அளித்த விவசாயத் தொழிலாளிக்கு ஓராண்டு சிறை தண்டனை விதித்து, தேனி மாவட்ட போக்ஸோ சிறப்பு நீதிமன்றம் செவ்வாய்க்கிழமை உத்தரவிட்டது.
உத்தமபாளையம் அருகே உள்ள ராயப்பன்பட்டியைச் சோ்ந்த விவசாயத் தொழிலாளி கண்ணன் (50). இவா், 12 வயது சிறுமிக்கு ஆபாசமாக சைகை மூலம் பாலியல் தொல்லை அளித்ததாக கடந்த 2023, மாா்ச் 28-ஆம் தேதி ராயப்பன்பட்டி காவல் நிலைய போலீஸாா் கைது செய்தனா். இந்த வழக்கு விசாரணை தேனி மாவட்ட போக்சோ சிறப்பு நீதிமன்றத்தில் நடைபெற்று வந்தது.
இந்த வழக்கில் கண்ணனுக்கு ஓராண்டு சிறைத் தண்டனையும், ரூ.5,000 அபராதமும் விதித்து நீதிபதி பி. கணேசன் தீா்ப்பளித்தாா். மேலும், பாதிக்கப்பட்ட சிறுமிக்கு கல்வி, பராமரிப்புச் செலவுக்கு அரசு சாா்பில் ரூ.25 ஆயிரம் நிவாரணம் வழங்க வேண்டும் என்று நீதிபதி உத்தரவிட்டாா்.
