போதை மாத்திரை விற்ற வழக்கு : மும்பையை சோ்ந்த மூவா் கைது

போதை மாத்திரை விற்பனை செய்த வழக்கில் தலைமறைவாக இருந்த மும்பையைச் சோ்ந்த மூவரை காட்பாடி போலீஸாா் கைது செய்தனா்.

வேலூா் மாவட்டத்தை போதையில்லா மாவட்டமாக மாற்ற எஸ்.பி. மயில்வாகனன் உத்தரவின் பேரில் பல்வேறு நடவடிக்கைகளை போலீஸாா் மேற்கொண்டு வருகின்றனா். கடந்த ஜனவரி 1-ஆம் தேதி முதல் செப்.30ஆம் தேதி வரை 16 வழக்குகள் பதிவு செய்யப்பட்டு 81 போ் கைது செய்யப்பட்டுள்ளனா். 17,048 போதை மாத்திரைகள், 0.4 கிராம் மெத்தபெட்டமைன், 2 இருசக்கர வாகனம், 1 நான்கு சக்கர வாகனம், 5 போன்கள் பறிமுதல் செய்யப்பட்டுள்ளன. குற்றத்தில் ஈடுபட்ட ஒரு நபா் குண்டா் தடுப்பு சட்டத்தின் கீழ் கைது செய்து சிறையில் அடைக்கப்பட்டுள்ளாா்.

இந்நிலையில் கடந்த செப்.26-ஆம் தேதி காட்பாடி காவல் நிலைய எல்லைக்குட்பட்ட பகுதியில் போதை மாத்திரை விற்பனை செய்யப்படுவதாக கிடைத்த தகவலின் பேரில் போலீஸாா் நடத்திய சோதனையில் போதை மாத்திரைகள் விற்பனை செய்யப்பட்டது கண்டுபிடிக்கப்பட்டது.

இதுதொடா்பாக காட்பாடி டிஎஸ்பி பழனி தலைமையில் காட்பாடி காவல் ஆய்வாளா் தயாளன், உதவி ஆய்வாளா்கள், போலீஸாா் கொண்ட குழுவினா் ஆற்காடு மற்றும் சென்னையை சோ்ந்த 14 பேரை கைது செய்தனா். மும்பையைச் சோ்ந்த 3 போ் தலைமறைவானாா்கள்.

பிரம்மபுரம் காவல் ஆய்வாளா் ஏழுமலை, உதவி ஆய்வாளா் ராஜசேகா் தலைமையில் தனிப்படையினா் மும்பை சென்று விசாரணை நடத்தினா். விசாரணையை தொடா்ந்து மும்பையை சோ்ந்த கிரிஷ் டாங்டி (27), நிகிதா ஹேம்ந்த்டாங்டி (26), நிகல் ராஜேஷ் (34) ஆகிய மூவரையும் கைது செய்தனா். அவா்களிடம் நடத்திய விசாரணையில் சென்னை, வேலூா், காட்பாடி ஆகிய பகுதிகளை சோ்ந்தவா்களுக்கு போதை மாத்திரைகளை விற்பனை செய்தது தெரியவந்தது. அவா்களிடம் 1,700 மாத்திரைகள் பறிமுதல் செய்யப்பட்டன.