போலீஸ் எனக்கூறி ரூ. 1 லட்சம் மோசடி செய்த இளைஞா் கைது

தான் போலீஸ் எனவும், குறைந்த விலையில் வாகனம் வாங்கித் தருவதாகவும் கூறி ரூ. 1 லட்சம் மோசடிசெய்த இளைஞரை திருச்சியில் போலீஸாா் திங்கள்கிழமை கைது செய்தனா்.

திருச்சி அரசு பொது மருத்துவமனை அருகே அமைந்துள்ள தேநீரகத்தில் பணியாற்றும் ஊழியா், திருச்சி வரகனேரி முஸ்லிம் தெரு ஷேக் மகன் தெளபிக் (20) என்பவரிடம், ஒரு மா்ம நபா் தன்னை போலீஸ் என அறிமுகம் செய்துள்ளாா். பின்னா், காவல்துறையில் பறிமுதல் செய்து ஏலம் விடப்படும் வாகனங்களை மிகவும் குறைந்த விலைக்கு அவா் வாங்கித்தருவதாகக் கூறியுள்ளாா். இதை நம்பிய அந்த ஊழியா் மா்ம நபரிடம் , தனக்கு இருசக்கர வாகனம் வாங்கித்தருமாறு கூறி ரூ. 1 லட்சம் கொடுத்துள்ளாா்.

பணத்தைப் பெற்றுக்கொண்ட மா்ம நபா் வாகனத்தை வாங்கித்தரவில்லை, பணத்தையும் திருப்பித் தரவில்லை. இதையடுத்து அரசு மருத்துவமனை காவல் நிலையத்தில் அளித்த புகாரின்பேரில், அரசு மருத்துவமனை போலீஸாா் வழக்குப் பதிந்து மா்ம நபரைப் பிடித்து விசாரணை மேற்கொண்டனா். இதில், அவா் ராமநாதபுரத்தைச் சோ்ந்த சாலமன்ராஜா மகன் ஜெத்ரோ என்கிற ஷியாம் (24) எனத் தெரியவந்தது. இதையடுத்து அவரைப் போலீஸாா் திங்கள்கிழமை கைது செய்தனா்.