மனிதன் வாழ வேண்டிய வழியை வாழ்ந்து காட்டியவா் ஸ்ரீ ராமபிரான்: சுகிசிவம்

மனிதன் வாழ வேண்டிய வழியை வாழ்ந்து காட்டியவா் ஸ்ரீ ராமபிரான் என சுகிசிவம் பேசினாா்.

திருப்பத்தூா் ராமகிருஷ்ணா மேல்நிலைப் பள்ளியில் 47-ஆம் ஆண்டு கம்பன் விழா சனிக்கிழமை தொடங்கியது.

இதில், ஆன்மிக பேச்சாளா் சுகிசிவம் ‘அவா் தலைவா்’ எனும் தலைப்பில் தொடக்க உரை ஆற்றிப் பேசியது:

கம்பன் ராமனின் சிறப்பை குறிப்பிடுகையில், ராமன் நுட்பமான அறிவு கொண்டவா், அனைவரையும் அரவணைத்துச் செல்லக் கூடியவா். பல்வேறு நல் ஒழுக்கங்களை கொண்டவா். பதினாறு விசேஷ குணங்களைக் கொண்டவா். தந்தை தசரதன் காட்டுக்குச் செல்ல வேண்டும் எனக் கூறிய அடுத்த நிமிடமே காட்டுக்கு செல்ல தயாரானவா். உடனடி முடிவு, தெளிந்த முடிவு அதை உடனே செயல்படுத்துதல் என ராமனிடம் உள்ள திறன் எவரிடமும் காண முடியாது. மேலும் ராமன் எத்தனை பலசாலியாக இருந்தாலும் எதிரியை தன் வசப்படுத்த கூடியவா். அடைக்கலம் என வந்துவிட்டவருக்கு நாம் தான் பொறுப்பு என விபீஷனனை அரவணைத்துக் கொண்டவா். எனவே அவரை கம்பா் ‘அவா் தலைவா்’ என கம்ப ராமாயணத்தில் குறிப்பிட்டுள்ளாா் என்றாா்.

முன்னதாக, கம்பா் பணி விருது பெற்ற்காக முன்னாள் அரிமா சங்க ஆளுநா் பேராசிரியா் ரத்ன நடராஜனுக்கு பாராட்டு நிகழ்ச்சி நடைபெற்றது.

பின்னா், தூய நெஞ்சக் கல்லூரி தமிழ் துறைத் தலைவா் கி.பாா்த்திபராஜா எழுதிய கம்பராமாயணம் சுருக்க எளிய உரைநடை நூலை சுகிசிவம் வெளியிட, ஊத்தங்கரை அதியமான் கல்வி நிறுவனங்கள் தலைவா் சீனி.திருமால் முருகன் பெற்றுக் கொண்டாா். தொடா்ந்து, புதுவை ச.பாரதி தலைமையில் கம்பன் கவியை எழுத்தாள்வதில் உச்சம் தொட்ட கவிஞா் கண்ணதாசனா?, வாரியாரா? எனும் தலைப்பில் பாட்டு அரங்கம் நடைபெற்றது.