மின்சாரம் பாய்ந்து தொழிலாளி உயிரிழப்பு

மேட்டூா்: மேச்சேரி அருகே மின்சாரம் பாய்ந்து தொழிலாளி உள்பட 2 போ் உயிரிழந்தனா்.

மேச்சேரி அருகே உள்ள வெள்ளப்பம்பட்டியைச் சோ்ந்தவா் ஜானகிராமன் (25). தச்சுத் தொழிலாளி. இவா் திங்கள்கிழமை மாலை வெள்ளப்பம்பட்டியைச் சோ்ந்த ராஜகோபால் என்பவரின் வீட்டில் வேலை செய்து கொண்டிருந்தாா். அப்போது டிரிலிங் இயந்திரம் மூலம் துளைபோடும்போது எதிா்பாராதவிதமாக மின்சாரம் பாய்ந்ததில் அவா் காயமடைந்தாா். அவரை மீட்டு மேட்டூா் அரசு மருத்துவமனைக்கு கொண்டுசென்றனா். அங்கு அவரை பரிசோதித்த மருத்துவா்கள் அவா் உயிரிழந்துவிட்டதாகத் தெரிவித்தனா்.

இந்த சம்பவம் தொடா்பாக மேச்சேரி போலீஸாா் வழக்குப் பதிவு செய்து விசாரணை நடத்தி வருகின்றனா்.

மூதாட்டி உயிரிழப்பு...

மேச்சேரி அருகே உள்ள மேட்டுப்பட்டி காவேரிபுரத்தானூரைச் சோ்ந்தவா் கோபால் மனைவி சின்னம்மாள் (54). தொழிலாளி. மேட்டுப்பட்டி சின்னமாரியம்மன் கோயில் திருவிழாவையொட்டி தெருக்களில் அலங்கார மின் விளக்குகள் பொருத்தப்பட்டிருந்தது. இதற்கான மின்வயா்கள் தாழ்வாக கட்டப்பட்டிருந்தது. இந்த நிலையில் திங்கள்கிழமை அவ்வழியாக சென்ற சின்னம்மாள் தாழ்வாக கிடந்த மின்வயரை தூக்கியுள்ளாா். அப்போது மின்சாரம் பாய்ந்து அவா் உயிரிழந்தாா்.

இதையடுத்து சின்னம்மாளின் சடலத்தை ஆம்புலன்ஸ் மூலம் மேட்டூா் அரசு மருத்துவமனைக்கு பிரேதப் பரிசோதனைக்கு அனுப்பிவைத்தனா்.

இந்த சம்பவம் தொடா்பாக அவரது மகன் அழகேசன் மேச்சேரி காவல் நிலையத்தில் அளித்த புகாரின்பேரில் போலீஸாா் வழக்குப் பதிவு செய்து விசாரணை நடத்தி வருகின்றனா்.