மாநில அளவில் பள்ளி - கல்லூரி மாணவிகளுக்காக நடப்படவுள்ள முதல்வா் கோப்பை ஹாக்கி போட்டி முன்னேற்பாடு குறித்த ஆலோசனைக் கூட்டம் திருநெல்வேலி ஆட்சியா் அலுவலகத்தில் வெள்ளிக்கிழமை நடைபெற்றது.
தமிழ்நாடு விளையாட்டு மேம்பாட்டு ஆணையம் சாா்பில் பள்ளி-கல்லூரி மாணவிகளுக்கு மட்டும் அக். 3-12 வரை பாளையங்கோட்டை அண்ணா விளையாட்டரங்கில் ஹாக்கி போட்டிகள் நடத்தப்படுவதை முன்னிட்டு நடத்தப்பட்ட இந்த ஆலோசனைக் கூட்டத்துக்கு ஆட்சியா் இரா.சுகுமாா் தலைமை வகித்துப் பேசியதாவது: முதல்வா் கோப்பை மகளிா் ஹாக்கி போட்டியை தேசிய அளவிலான போட்டிகளுக்கு இணையாக நடத்த வேண்டுமென அறிவுறுத்தப்பட்டுள்ளது.
அதன்படி, அக். 3- 12 வரை பாளையங்கோட்டை அண்ணா விளையாட்டரங்கில் உள்ள செயற்கை இழை ஹாக்கி மைதானத்தில் நடைபெறவுள்ள இப்போட்டியில் முதல் 3 இடங்களைப் பெறும் அணிகளுக்கு முறையே ரூ.75 ஆயிரம், ரூ.50 ஆயிரம், ரூ.25 ஆயிரம் பரிசு வழங்கப்படும்.
மேலும், வெற்றி பெறும் அணிகளின் அனைத்து வீராங்கனைகளுக்கும் மொத்தம் ரூ.54 லட்சம் பரிசுத்தொகையுடன் சான்றிதழ்- பதக்கங்கள் வழங்கப்படும்.
இதற்கான பணிகளை மாநகராட்சி, பள்ளிக் கல்வி, சுகாதாரம், உணவுப்பாதுகாப்பு, போக்குவரத்து, மின்சார வாரியம், தீயணைப்பு, காவல் உள்ளிட்ட துறைகள் பிற மாவட்டங்களுக்கு முன்னுதாரணமாக திகழும் வகையில் ஒருங்கிணைந்து மேற்கொள்ள வேண்டும் என்றாா்.
இக்கூட்டத்தில், ஆட்சியரின் நோ்முக உதவியாளா் (பொது) அனிதா, மாவட்ட விளையாட்டு- இளைஞா் நலன் அலுவலா் கிருஷ்ணசக்கரவா்த்தி உள்ளிட்ட அலுவலா்கள் கலந்துகொண்டனா்.
ற்ஸ்ப்26ஸ்ரீம்ற்
ஆலோசனைக் கூட்டத்தில் பேசுகிறாா் ஆட்சியா் இரா.சுகுமாா்.
