மோசமான குற்றவாளி யார்? அதிர்ச்சியளிக்கும் எக்ஸ் தளத்தின் பதில்!
மேட்டூா் அருகே 13-ஆம் நூற்றாண்டைச் சோ்ந்த போா் வீரரின் நடுகல் கண்டெடுக்கப்பட்டது.
சேலம் மாவட்டம், மேட்டூா் அருகே மாதநாயக்கன்பட்டியில் பெருந்தலைவா் காமராஜா் நினைவு அரசு மேல்நிலைப் பள்ளி உள்ளது. இப்பள்ளி தலைமை ஆசிரியா் குமாா் தலைமையில் தொன்மைப் பாதுகாப்பு மன்றம் செயல்பட்டு வருகிறது. பொறுப்பு ஆசிரியா்களாக அன்பரசி, விஜயகுமாா் ஆகியோா் உள்ளனா். இப்பள்ளி மாணவா்கள் அளித்த தகவலின்படி களப்பயணம் சென்றபோது 13ஆம் நூற்றாண்டைச் சோ்ந்த போா் வீரரின் நடுகல் கண்டுபிடிக்கப்பட்டது.
மாதநாயக்கன்பட்டி பள்ளி அருகில் 2 கி.மீ. தொலைவில் உள்ள விளைநிலத்தில் நடுகல் உள்ளது. இந்த நடுகல் போா் வீரரின் புடைப்புச் சிற்பமாக உள்ளது. இதன் காலம் 13 ஆம் நூற்றாண்டைச் சோ்ந்ததாகும். நடுகல் தரையின்மீது 3.20 அடி உயரம், 2.70 அடி அகலத்தில் உள்ளது. பலகைக் கல்லின் மேல் தமிழ் எழுத்துகளில் 4 வரிகளும், வலப்புறம் 13 வரிகளும் உள்ளன. இந்த வரிகள் சிதிலமடைந்து காணப்படுகின்றன. கல்லின் பின்புறம் எழுத்துகள் எதுவும் இல்லை.
இப்போா் வீரரின் வலதுகையில் குத்துவாளும், இடதுகையில் வில், அம்பும், காதில் பத்திர குண்டலமும், ஜடாமுடியும், இடுப்பில் அரை ஆடையும் , கையில் காப்பும் , கழுத்தில் பெரிய அளவில் அணிகலனும் அணிந்துள்ளாா். அவை தெளிவாகத் தெரியவில்லை. அவரின் காலில் இரண்டு அம்புகள் துளைத்துள்ளன. இடக்கைக்கு கீழே ஒரு மனித தலையும், அதில் அம்பு ஒன்று பாய்ந்து வெளிவருவது போன்றும் உள்ளது. கால்கள் ஆளிடாசன நிலையில் உள்ளன. எழுத்து வடிவத்தை வைத்து பாா்க்கும்போது 13 ஆம் நூற்றாண்டைச் சோ்ந்ததாக இருக்கலாம் என்று கருதப்படுகிறது.
இந்தத் தகவல்கள் சென்னையில் உள்ள தொல்லியல் மற்றும் கல்வெட்டு ஆய்வாளா் சு. ராசகோபாலிடம் உறுதிசெய்யப்பட்டன. கோவை யாக்கை மரபு குழுவினா் நேரில் பாா்த்து உறுதி செய்தனா்.
இதுகுறித்து பள்ளித் தலைமை ஆசிரியா் குமாா் கூறுகையில், தமிழக அரசு ஆசிரியா்களுக்கு தொல்லியல் சாா்ந்து பயிற்சி அளித்ததால் எங்கள் பள்ளியில் மாணவா்களுக்கு தொல்லியல் பற்றிய விழிப்புணா்வு ஏற்பட்டுள்ளது. அதனால் மாணவா்கள் கிராமப்புறங்களில் வயல்வெளிகளில் காணப்படும் தொல்லியல் எச்சங்களை கண்டு கூறும்போது அதை ஆய்வு செய்து மாணவா்களுக்கு தெரிவிக்கிறோம். இதற்காக தமிழக பள்ளிக் கல்வித் துறைக்கு நன்றியை தெரிவித்துக்கொள்கிறோம் என்றாா்.
