மொபைலில் IPL பார்த்துக்கொண்டே நெடுஞ்சாலையில் பேருந்தை ஓட்டிய அரசு டிரைவர் - மகாராஷ்டிரா அதிர்ச்சி

மகாராஷ்டிராவில் சமீப காலமாக அடிக்கடி அரசு பஸ்கள் விபத்துக்குள்ளாகிறது. அதுவும் இரவு நேரத்தில் இது போன்ற விபத்துகள் அதிக அளவில் நடக்கிறது. டிரைவர்கள் பஸ் ஓட்டிக்கொண்டே மொபைல் போனில் வீடியோ பார்ப்பது, போனில் பேசுவது போன்ற காரியங்களில் ஈடுபடுவது இந்த விபத்துகளுக்கு காரணமாக அமைகிறது.

நடப்பு ஆண்டில் மட்டும் 400 பஸ் விபத்துகள் நடந்திருக்கிறது. நேற்று இரவு மும்பை தாதரில் இருந்து அரசு பஸ் ஒன்று புனே நோக்கி பயணிகளுடன் சென்று கொண்டிருந்தது. பஸ் லோனவாலா அருகில் சென்றபோது டிரைவர் ஐ.பி.எல் கிரிக்கெட்டை பார்த்துக்கொண்டே பஸ்சை ஓட்டிக்கொண்டிருந்தார். மொபைல் போனை பஸ் ஸ்டியரிங் மீது வைத்துக்கொண்டு ஓட்டினார். அதனை பார்த்த சில பயணிகள் டிரைவருடன் இது தொடர்பாக வாக்குவாதத்தில் ஈடுபட்டனர்.

அதுவும் லோனவாலா பகுதி மலைகள் நிறைந்த ஒரு இடமாகும். மலைப்பகுதியில் டிரைவர் மொபைலில் கிரிக்கெட் பார்த்துக்கொண்டே ஓட்டியது அனைத்து பயணிகள் மத்தியில் கடும் கோபத்தை ஏற்படுத்தியது. டிரைவரின் செயலை சிலர் வீடியோ எடுத்து சோசியல் மீடியாவில் பகிர்ந்தனர். அதோடு இது குறித்து போக்குவரத்து துறை அமைச்சர் பிரதாப் சர்நாயக்கிற்கும் வீடியோவை அனுப்பி புகார் செய்தனர்.

இதையடுத்து சம்பந்தப்பட்ட டிரைவர் மீது முதல் தகவல் அறிக்கை பதிவு செய்யப்பட்டது. அதோடு அவர் உடனே பணியில் இருந்து சஸ்பெண்ட் செய்யப்பட்டார். சம்பந்தப்பட்ட பஸ்சை அரசு தனியார் நிறுவனம் ஒன்றிடமிருந்து டிரைவருடன் குத்தகைக்கு வாங்கி இருந்தது. அக்கம்பெனிக்கு மாநில அரசு ரூ.5 ஆயிரம் அபராதம் விதித்து இருக்கிறது.

மொபைல் பார்த்துக்கொண்டே பஸ் ஓட்டும் டிரைவர்களை கண்டுபிடித்து பயணிகள் சம்பந்தப்பட்ட உயர் அதிகாரிகளிடம் புகார் செய்யவேண்டும் என்று முதல்வர் தேவேந்திர பட்னாவிஸ் கேட்டுக்கொண்டுள்ளார். அதோடு மொபைல் போன் பார்த்துக்கொண்டே பஸ் ஓட்டும் டிரைவர்கள் மீது கடும் நடவடிக்கை எடுக்கப்படும் என்றும், உடனடியாக பணியில் இருந்து சஸ்பெண்ட் செய்யப்படுவர் என்றும் பட்னாவிஸ் எச்சரித்துள்ளார்

வேட்டை நாய்கள் - Gangs of தூத்துக்குடி -இப்போது விகடன் ப்ளேயில்..!

Link : Part 01 : https://tinyurl.com/Vettai-Naigal-Part-01 |

Part 02: https://tinyurl.com/Vettai-Naigal-Part-02 |

80களில் தூத்துக்குடியை மிரள வைத்த டான்களின் கதை வேட்டை நாய்கள் - Gangs of தூத்துக்குடி இப்போது Audio formatல் உங்கள் Vikatan Playல். இப்பவே Vikatan APPஐ Download செய்யுங்கள் Play Iconஐ Click பண்ணி வேட்டை நாய்கள் கேளுங்க | #Vikatan #VikatanPlay #AudioBooks