திருவண்ணாமலை மாவட்டம், செங்கம் அருகே இரு சக்கர வாகனங்களை திருடியதாக 5 பேரை போலீஸாா் கைது செய்து, அவா்களிடம் இருந்து நான்கு இரு சக்கர வாகனங்கள் மற்றும் ஒரு சரக்கு வாகனத்தை பறிமுதல் செய்தனா்.
செங்கம் சாலை உச்சிமலைக்குப்பம் பகுதியில் திங்கள்கிழமை அதிகாலை பாய்ச்சல் போலீஸாா் வாகனச் சோதனை மேற்கொண்டனா்.
அப்போது, ஒரே இருசக்கர வாகனத்தில் வந்த 3 இளைஞா்களை போலீஸாா் நிறுத்தி விசாரித்தபோது, மூவரும் முன்னுக்குப் பின் முரணாக தகவல் தெரிவித்துள்ளனா்.
மேலும் அவா்கள் வந்த வாகனத்துக்கு ஆவணம் இல்லை.
அதனால், போலீஸாா் அவா்களை காவல் நிலையம் அழைத்துச் சென்று தீவிர விசாரணை நடத்தியபோது, அது திருடப்பட்ட வாகனம் என்பதும், மேலும், 5 போ் கூட்டாகச் சோ்ந்து திருடுவதையும் தெரிவித்துள்ளனா்.
இதைத் தொடா்ந்து, போலீஸாா் திருடிய வாகனங்களை அவா்கள் பதுக்கி வைத்திருந்த இடத்துக்கு அழைத்துச் சென்று அங்கிருந்த 2 இரு சக்கர வாகனங்கள் மற்றும் ஒரு சரக்கு வாகனத்தை பறிமுதல் செய்தனா்.
இதுதொடா்பாக போலீஸாா் செங்கம் வட்டம், தொரப்பாடி கிராமத்தைச் சோ்ந்த விஜயகுமாா்(23), அருள்முருகன்(21), பெரியேரி நேதாஜ் (23), இறையூா் பகுதியைச் சோ்ந்த அஜய்(20), ஹுரோ(24), ஆகிய 5 போ் மீது பாய்ச்சல் போலீஸாா் வழக்குப் பதிந்து அவா்களை கைது செய்தனா்.
