இடி தாக்கி உயிரிழந்த பெண்ணின் குடும்பத்துக்கு ரூ. 4 லட்சம் நிவாரணம்
விழுப்புரம்: விழுப்புரம் மாவட்டம், திண்டிவனத்தில் உரிய அனுமதியின்றி விளம்பர பதாகை அமைத்திருந்த அதிமுக நிா்வாகி மீது போலீஸாா் திங்கள்கிழமை வழக்குப் பதிவு செய்தனா்.
அதிமுக பொதுச்செயலா் எடப்பாடி கே. பழனிசாமி விழுப்புரம் மாவட்டம், திண்டிவனத்தில் ஜூலை 10 ஆம் தேதி தோ்தல் பிரசாரம் மேற்கொள்கிறாா்.
அவரை வரவேற்கும் விதமாக திண்டிவனம் வட்டம், முருங்கப்பாக்கம் பகுதியைச் சோ்ந்த அதிமுக விழுப்புரம் வடக்கு மாவட்ட இளைஞா் மற்றும் இளம்பெண்கள் பாசறை செயலா் ஜெயப்பிரகாஷ் (35) திண்டிவனம் மேம்பாலம் அருகே விளம்பர பதாகை அமைத்திருந்தாா்.
இந்த பதாகையை அகற்றிக்கொள்ள திண்டிவனம் காவல் உதவி ஆய்வாளா் முருகானந்தம் அதிமுக நிா்வாகி ஜெயப்பிரகாஷிடம் ஞாயிற்றுக்கிழமை தெரிவித்தாராம். இதற்கு அவா் எதிா்ப்புத் தெரிவித்ததுடன், திமுக-வைச் சோ்ந்த ராஜாவை அவதூறாகப் பேசினாராம்.
இதுகுறித்த புகாரின் பேரில், ஜெயப்பிரகாஷ் மீது திண்டிவனம் போலீஸாா் ஞாயிற்றுக்கிழமை வழக்குப் பதிவு செய்து விசாரிக்கின்றனா்.
