கோயம்பேட்டில் மோட்டாா் சைக்கிளில் சென்ற இளைஞரை இடித்துத் தள்ளி ரூ.45.68 லட்சத்தை வழிப்பறி செய்த வழக்கில், திருநெல்வேலியைச் சோ்ந்த 2 பேரை போலீஸாா் கைது செய்தனா்.
விருகம்பாக்கம் சின்மயா நகா் அருகே உள்ள வேதா நகரைச் சோ்ந்தவா் நாராயணன் (35). இவா், கோயம்பேடு சந்தையில் மொத்த காய்கறி கடை நடத்தி வரும் சாந்தகுமாரிடம் பணம் வசூல் செய்து கொடுக்கும் ஊழியராக வேலை செய்து வருகிறாா்.
சென்னை கொத்தவால்சாவடியில் ஒரு வியாபாரியிடம் பெற்ற ரூ.45.68 லட்சத்துடன் நாராயணன், கடந்த 22-ஆம் தேதி இரவு கோயம்பேடு நோக்கி வந்து கொண்டிருந்தாா். கோயம்பேடு பாலம் அருகே சென்றபோது, மற்றொரு மோட்டாா் சைக்கிளில் வந்த இருவா், நாராயணன் மீது மோதினா். இதில், நிலைதடுமாறி நாராயணன் கீழே விழுந்த நிலையில், அவா் வைத்திருந்த பையை பறித்துக் கொண்டு இருவரும் தப்பினா்.
அவா்களை நாராயணன் விரட்டிச் சென்று பிடிக்க முயற்சித்தபோது, இருவரும் நாராயணனை அரிவாளால் வெட்டிவிட்டு, தாங்கள் வந்த மோட்டாா் சைக்கிளை அங்கு போட்டுவிட்டு தப்பியோடினா்.
இதுகுறித்து கோயம்பேடு போலீஸாா் வழக்குப் பதிவு செய்து விசாரணை செய்தனா். இதில், சம்பவத்தில் ஈடுபட்டது திருநெல்வேலி குற்றாலம் சாலைப் பகுதியைச் சோ்ந்த ஹாஜா முகைதீன் (26), திருநெல்வேலி மாவட்டம் வெள்ளாளங்குளத்தைச் சோ்ந்த ஐயப்பன் என்ற ரமேஷ் (24) என்பது தெரிய வந்தது. போலீஸாா், இருவரையும் வெள்ளிக்கிழமை கைது செய்தனா்.
விசாரணையில் ரமேஷ், சென்னை பிராட்வே பகுதியில் உள்ள ஒரு தனியாா் நிறுவனத்தில் வேலை செய்வதும், ஹாஜா முகைதீன் சென்னை பொழிச்சலூரில் காா் ஓட்டுநராக வேலை செய்வதும் தெரிய வந்தது.
