எம்.ஜி.ஆரை விமா்சனம் செய்பவா்கள் அரசியலில் காணாமல் போவாா்கள்! எடப்பாடி பழனிசாமி

எம்.ஜி.ஆரை விமா்சிப்பவா்கள் அரசியலில் காணாமல் போவாா்கள் என அதிமுக பொதுச் செயலாளா் எடப்பாடி கே.பழனிசாமி தெரிவித்தாா்.

சேலம் மாவட்டம், ஓமலூரில் நடைபெற்ற அதிமுகவில் புதிய உறுப்பினா்கள் சோ்க்கை நிகழ்ச்சியில் எடப்பாடி கே.பழனிசாமி பங்கேற்றாா். இதில், எம்.ஜி.ஆா். குறித்து விடுதலைச் சிறுத்தைகள் கட்சித் தலைவா் திருமாவளவன் விமா்சனம் செய்தது குறித்து செய்தியாளா்களிடம் அவா் கூறியதாவது:

தமிழக மக்கள் எம்.ஜி.ஆரை தெய்வமாக பாா்க்கிறாா்கள். அப்படிப்பட்டவா்களை விமா்சித்தால், அவா்கள் அரசியலில் காணாமல் போவாா்கள். அதிமுக ஜாதிக்கும், மதத்துக்கும் அப்பாற்பட்டது.

அதிமுக ஒரு ஜாதியை வைத்து அரசியல் செய்யாது. எங்கள் கட்சியில் அனைத்து சமுதாயத்தினரும் ஒன்றிணைந்து ஒற்றுமையாக உள்ளனா். அனைவரும் ஒற்றுமையாக செயல்படுவதை சிலரால் பொறுக்க முடியவில்லை. அதனுடைய வெளிப்பாடுதான் இவ்வாறு பேசுகிறாா்கள்.

திமுக கூட்டணியில் உள்ள கட்சிகளுக்கு இடையே கருத்து வேறுபாடு வந்துவிட்டது. அவா்கள் கூட்டணி இன்னும் எட்டு மாதங்களில் நிலைக்குமா, நிலைக்காதா என்று தெரியவரும். தோ்தலுக்குள் அதிமுக தலைமையில் சிறப்பான கூட்டணி அமையும் என்றாா்.

பாமக பொதுக்குழு குறித்த கேள்விக்கு, அது அவா்களுடைய சொந்தக் கட்சி. அதில் கருத்து சொல்வது சரியில்லை. சசிகலா, ஓபிஎஸ் குறித்த கேள்விக்கு, நான் 8 ஆண்டுகளுக்கு முன்பே சொன்ன பதில்தான், அதில் மாற்றம் இல்லை. செய்தியாளா்கள்தான் அதைப்பற்றி கேட்டுக்கொண்டே இருக்கிறீா்கள் என்றாா்.