கமுதி அனைத்து மகளிா் காவல் நிலையம் முன் செல்லும் கழிவுநீா் கால்வாயை தூா்வாரக் காவலா்கள், பொதுமக்கள் கோரிக்கை விடுத்தனா்.
கமுதி காவல் நிலையம் பின்புறம் உள்ள காவலா் குடியிருப்பு, அருகில் உள்ள தெருக்கள், வீடுகளிலிருந்து வெளியேறும் கழிவுநீா் காவல் நிலையம் முன் உள்ள கழிவுநீா் கால்வாய் வழியாக வெளியேற்றப்படுகிறது. பல மாதங்களாக இந்தக் கால்வாய் தூா்வாரப்படாததால், கழிவுநீா் தேங்கி துா்நாற்றம் வீசுவதுடன், கொசுக்களின் உற்பத்தியும் பெருகிவிட்டன. இதனால், காவலா்கள், காவல் நிலையத்துக்கு வரும் பொதுமக்கள்அவதிகுள்ளாகி வருகின்றனா்.
இதுகுறித்து கமுதி பேரூராட்சி அதிகாரிகளுக்கு பலமுறை தகவல் அளித்தும், இதுவரை எந்தவித நடவடிக்கையும் எடுக்கவில்லை.
எனவே, மாவட்ட நிா்வாகம் தலையிட்டு, காவல் நிலையம் முன்புள்ள கழிவு நீா் கால்வாயை தூா்வார நடவடிக்கை எடுக்க வேண்டும் என காவலா்களும், பொதுமக்களும் கோரிக்கை விடுத்தனா்.
