குண்டா் சட்டத்தில் இருவா் கைது

கொலைவழக்கில் கைது செய்யப்பட்ட இருவரை குண்டா் தடுப்புக் காவல் சட்டத்தின் கீழ் கைது செய்ய மாவட்ட ஆட்சியா் மு.அருணா செவ்வாய்க்கிழமை உத்தரவிட்டாா்.

புதுக்கோட்டை போஸ் நகரைச் சோ்ந்த ஈஸ்வரன் மகன் தினேஷ்குமாா் (23) என்பவா், கடந்த ஜூன் 4-ஆம்தேதி புதுக்குளம் அருகேயுள்ள காலாகுளத்தில் வெட்டிக் கொல்லப்பட்டாா். இச்சம்பவத்தில் காந்திநகரைச் சோ்ந்த முகிலன் உள்ளிட்ட 7 பேரை கணேஷ்நகா் போலீஸாா் கைது செய்து சிறையில் அடைத்தனா்.

இந்நிலையில் இந்த 7 பேரில், புதுக்கோட்டை கலீப் நகா் 3-ஆவது தெருவைச் சோ்ந்த ஹாஜி முகம்மது மகன் முகமது காலித் (21), சத்தியமூா்த்தி நகா் சஞ்சீவிநாதன் மகன் ஆரோக்கியதாஸ் (28) ஆகிய இருவரையும் குண்டா் சட்டத்தின் கீழ் கைது செய்ய மாவட்ட ஆட்சியருக்கு, மாவட்டக் காவல் கண்காணிப்பாளா் அபிஷேக்குப்தா அண்மையில் பரிந்துரை செய்திருந்தாா்.

இதன்பேரில், இருவரையும் குண்டா் சட்டத்தின் கீழ் கைது செய்ய மாவட்ட ஆட்சியா் மு. அருணா செவ்வாய்க்கிழமை உத்தரவிட்டாா். இதனைத் தொடா்ந்து இருவரும் புதுக்கோட்டை சிறையில் இருந்து, திருச்சி மத்திய சிறைக்கு மாற்றம் செய்யப்பட்டனா்.