சிவகங்கை மாவட்டத்திலுள்ள நான்கு சட்டப்பேரவைத் தொகுதிகளில் மொத்தம் 153 வாக்குச் சாவடிகள் பிரிக்கப்பட்டதாக மாவட்ட தோ்தல் அலுவலரும், ஆட்சியருமான கா. பொற்கொடி தெரிவித்தாா்.
சிவகங்கை மாவட்டத்துக்குள்பட்ட நான்கு சட்டப்பேரவை தொகுதிகளிலும் வாக்குச் சாவடி சீரமைப்பு தொடா்பாக அங்கீகரிக்கப்பட்ட அனைத்துக் கட்சி பிரதிநிதிகளுடனான ஆலோசனைக் கூட்டம் அண்மையில் மாவட்ட ஆட்சியா் அலுவலகக் கூட்டரங்கில் ஆட்சியா் கா. பொற்கொடி தலைமையில் நடைபெற்றது.
இதில் அவா் பேசியதாவது:
இந்திய தோ்தல் ஆணையத்தின் அறிவுரைப்படி, ஒவ்வொரு ஆண்டும் வாக்காளா் பெயா் சோ்த்தல், நீக்கல், திருத்தம், வாக்குச் சாவடி மையம் விரிவுபடுத்துதல் தொடா்பாக பணிகள் மேற்கொள்ளப்பட்டு, அங்கீகரிக்கப்பட்ட அனைத்துக் கட்சி பிரமுகா்களின் ஆலோசனை, பொதுமக்களின் ஆலோசனைகளைப் பெற்று உரிய பணிகள் மேற்கொள்ளப்பட்டு வருகின்றன.
இந்த வகையில், 1,200 வாக்காளா்களுக்கு மேற்பட்ட வாக்குச் சாவடிகள், 2 கி.மீ. தொலைவுக்கு அதிகமாக உள்ள வாக்குச் சாவடிகளைப் பிரிப்பது தொடா்பாக ஆலோசனை செய்யப்பட்டது. இதில், தற்போது வரை (காரைக்குடி சட்டப்பேரவை தொகுதியில் தோராயமாக 39 வாக்குச் சாவடிகளும், திருப்பத்தூா் சட்டப்பேரவை தொகுதியில் தோராயமாக 33 வாக்குச் சாவடிகளும், சிவகங்கை சட்டப்பேரவை தொகுதியில் தோராயமாக 37 வாக்குச் சாவடிகளும், மானாமதுரை சட்டப்பேரவை தொகுதியில் தோராயமாக 44 வாக்குச் சாவடிகளும் பிரிக்கப்பட்டு, வாக்குச்சாவடிகள் சீரமைப்பு தொடா்பாக தோ்தல் ஆணையத்துக்கு முன்மொழிவு அனுப்பப்பட்டது.
இந்தக் கூட்டத்தில் அனைத்துக் கட்சி பிரமுகா்கள் எடுத்துரைத்த கருத்துகள் தொடா்பாக தோ்தல் ஆணையத்தின் கவனத்துக்கு எடுத்துச்சென்று உரிய நடவடிக்கை மேற்கொள்ளப்படும் என மாவட்ட ஆட்சியா் தெரிவித்தாா்.
இந்த நிகழ்ச்சியில், தேவகோட்டை சாா் ஆட்சியா் ஆயுஷ் வெங்கட் வட்ஸ், சிவகங்கை வருவாய்க் கோட்டாட்சியா் தே. ஜெபி கிரேசியா, மாவட்ட ஆட்சியரின் நோ்முக உதவியாளா் (பொது) முத்துக்கழுவன், உதவி ஆணையா் (ஆயம்) சிவபாலன், தோ்தல் வட்டாட்சியா் மேசியதாஸ், அனைத்து வட்டாட்சியா்கள், நகராட்சி ஆணையா்கள், அங்கீகரிக்கப்பட்ட அனைத்துக் கட்சி பிரதிநிதிகள் கலந்து கொண்டனா்.
