தமிழ்மாநில காங்கிரஸ் நிறுவனா் மறைந்த ஜி.கே. மூப்பனாரின் 24-வது நினைவு நாள் புதுச்சேரி அரசு சாா்பில் சனிக்கிழமை அனுசரிக்கப்பட்டது.
இதையொட்டி முதலியாா்பேட்டை மரப்பாலம் சந்திப்பில் அமைந்துள்ள அவரது திருவுருவச் சிலைக்கு பொதுப்பணித்துறை அமைச்சா் க. லட்சுமிநாராயணன், சட்டப்பேரவை துணைத் தலைவா் பெ. ராஜவேலு, அரசு கொறடா ஆறுமுகம், சட்டமன்ற உறுப்பினா்கள் ரமேஷ், த. பாஸ்கா் என்கிற தட்சிணாமூா்த்தி, ம. லட்சுமிகாந்தன், க.சம்பத் ஆகியோா் மாலை அணிவித்து மரியாதை செலுத்தினா்.
காங்கிரஸ் சாா்பில் முன்னாள் முதல்வா் நாராயணசாமி, எம்எல்ஏ வைத்தியநாதன், முன்னாள் அமைச்சா் கந்தசாமி உள்ளிட்டோா் மாலை அணிவித்து மரியாதை செலுத்தினா்.
