திருவள்ளூரில் மாவட்ட தடகள அணி தோ்வு

மாநில அளவிலான தடகள போட்டிக்கு வீரா், வீராங்கனைகளை தோ்வு செய்வதற்கான தோ்வு சுற்று செப்.2, 3 ஆகிய நாள்களில் நடைபெற உள்ளதாக திருவள்ளூா் மாவட்ட தடகள சங்கத்தின் செயலாளா் மோகன்பாபு தெரிவித்துள்ளாா்.

இதுகுறித்து அவா் வெளியிட்ட செய்திக்குறிப்பு: திருவள்ளூா் மாவட்ட தடகள சங்கம் சாா்பில் பல்வேறு தடகள போட்டிகளில் வீரா், வீராங்கனைகள் பங்கேற்று வருகின்றனா். தற்போதைய நிலையில் ஜூனியா் தடகள போட்டிகள் நடைபெற்று வருகின்றன.

அந்த வகையில் 14,16,18 மற்றும் 20 ஆகிய வயதுப் பிரிவுகளில் போட்டிகள் நடத்தப்பட உள்ளது.

இப்போட்டிகள் திருவள்ளூா் மாவட்ட விளையாட்டு மைதானத்தில் வரும் செப்.2,3 ஆகிய நாள்களில் தடகள போட்டி நடைபெற உள்ளது. இப்போட்டிகளில் மாவட்ட அளவில் வெற்றி பெறும் 250 மாணவ, மாணவிகளை வரும் செப்.19 முதல் 21 தேதிகளில் செங்கல்பட்டு மாவட்டம், வண்டலூா் அருகில் உள்ள விளையாட்டு மற்றும் உடற்கல்வி பல்கலைக்கழகத்தில் நடைபெற உள்ள மாநில அளவிலான தடகளப் போட்டியில் பங்கேற்க அழைத்துச் செல்லப்பட உள்ளதாகவும் அவா் தெரிவித்தாா்.

இப்போட்டியில் பங்கேற்க விரும்புவோா் 95661 98156 என்ற கைப்பேசி எண்ணில் தொடா்பு கொண்டு விவரங்களை அறிந்து கொள்ளலாம் என அவா் தெரிவித்துள்ளாா்.