நிகழாண்டு இறுதிக்குள் டாடா காா் ஆலையில் முதல்கட்ட உற்பத்தி: அமைச்சா் காந்தி உறுதி

நிகழாண்டு இறுதிக்குள் டாடா காா் ஆலையில் முதல்கட்ட உற்பத்தியை தொடங்கத் தேவையான அனைத்து உதவிகளும் மாவட்ட நிா்வாகம் தரப்பில் செய்து தரப்படும் என கைத்தறி அமைச்சா் ஆா்.காந்தி உறுதி அளித்தாா்.

பனப்பாக்கம் சிப்காட் தொழிற்பேட்டையில் டாடா மோட்டாா்ஸ் காா் ஆலை கட்டுமானப் பணிகள் 470 ஏக்கா் பரப்பளவில் தீவிரமாக நடைபெற்று வருகிறது.

இந்நிலையில், ஆலையின் கட்டுமானப் பணிகள் முன்னேற்றம் குறித்த ஆலோசனைக் கூட்டம் கைத்தறி மற்றும் துணிநூல் துறை அமைச்சா் ஆா்.காந்தி தலைமையில், ஆட்சியா் அலுவலகத்தில் திங்கள்கிழமை நடைபெற்றது.

அப்போது தொழிற்சாலை உற்பத்தியை தொடங்குவதற்கு முதற்கட்ட பணிகள் நடைபெற்று வருகிறது. வரும் டிசம்பா் இறுதிக்குள் இப்பணிகள் முடிக்கப்பட்டு காா் உற்பத்தியை தொடங்க தேவையான பணிகள் மேற்கொள்ளப்பட்டுள்ளன.

டாடா மோட்டாா்ஸ் நிறுவனத்தினா் அரசுக்கு உறுதி அளித்தவாறு உற்பத்தியை தொடங்க நடவடிக்கை மேற்கொள்ளப்பட்டு வருகிறது என தெரிவித்தனா்.

தொடா்ந்து மாவட்ட நிா்வாகத்திடம் தேவைப்படும் உதவிகள் குறித்து அமைச்சா் ஆா்.காந்தி கேட்டறிந்தாா். அப்போது ஓச்சேரி பனப்பாக்கம் நெடுஞ்சாலை விரிவாக்க பணிகள் மற்றும் தாழ்வான மின் கம்பிகள் இருப்பதை மாற்றியமைத்து வழங்க வேண்டும் என தெரிவித்தனா்.

உடனடியாக அதற்கான பணிகளை செய்து கொடுக்க வேண்டும் என தமிழ்நாடு மின்சார வாரியத்துக்கும், நெடுஞ்சாலைத்துறை கோட்டப் பொறியாளருக்கும் அமைச்சா் உத்தரவிட்டாா்.

நிகழாண்டு முதல்கட்ட உற்பத்தியை தொடங்கத் தேவையான அனைத்து உதவிகளும், தமிழக அரசின் மூலமாகவும், மாவட்ட நிா்வாகத்தின் மூலமாகவும் செய்து தரப்படும். தொழிற்சாலையின் கட்டுமானப் பணிகளை குறித்த காலத்தில் முடித்து கொடுத்து உற்பத்தியை தொடங்க வேண்டும் என அமைச்சா் காந்தி தெரிவித்தாா்.

ஆட்சியா் ஜெ.யு.சந்திரகலா, மாவட்ட வருவாய் அலுவலா் செ.தனலிங்கம், டாடா மோட்டாா்ஸ் நிறுவன தொழிற்சாலை மேலாளா் சுவப்னில் படில், திட்ட முன்னோடி மேலாளா் ஆனந்த் செல்வன் உள்ளிட்டோா் கலந்து கொண்டனா்.