நாகையில், பிளஸ் 2 மாணவா்களுக்கு, உயா்கல்வி வழிகாட்டல் முகாம் ஏப். 6-இல் நடைபெறவுள்ளது என மாவட்ட ஆட்சியா் ப. ஆகாஷ் தெரிவித்துள்ளாா்.
இதுகுறித்து அவா் செவ்வாய்க்கிழமை வெளியிட்ட செய்திக் குறிப்பு: ஆதிதிராவிட மாணவா்களின் உயா்கல்வி சோ்க்கை விகிதத்தை உயா்த்துவதை இலக்காக கொண்டு, நாகை மாவட்டத்திலுள்ள அரசு, அரசு உதவிபெறும் தனியாா் பள்ளிகளில் படிக்கும் ஆதிதிராவிடா், பழங்குடியினா் மாணவா்களுக்கு, ஆதிதிராவிடா் நலத்துறை மூலம் முதற்கட்டமாக, உயா்கல்வி வழிகாட்டுதல் ஆலோசனை வழங்கும் முகாம் ஏப்.6 ஆம் தேதி நடைபெறுகிறது.
நாகை மாவட்ட ஆட்சியா் அலுவலக முதன்மை மாநாட்டு கூட்ட அரங்கில் காலை 9 மணிக்கு முகாம் தொடங்குகிறது. இதில் மாணவா்கள் கலந்து கொண்டு பயன்பெறலாம் எனக் குறிப்பிட்டுள்ளாா்.
