வனப் பகுதியில் மதுப் புட்டிகள், நெகிழிப் பொருள்களை வீசிச் சென்றால் கடும் நடவடிக்கை!

ஒட்டன்சத்திரம் வனப் பகுதியில் மதுப் புட்டிகள், நெகிழிப் பொருள்களை வீசிச் செல்லும் நபா்கள் மீது கடும் நடவடிக்கை எடுக்கப்படும் என வனத் துறையினா் சனிக்கிழமை எச்சரிக்கை விடுத்தனா்.

திண்டுக்கல் மாவட்டம், ஒட்டன்சத்திரம் மேற்குத் தொடா்ச்சி மலைப் பகுதியில் அமைந்துள்ள பரப்பலாறு அணைப் பகுதியில் வனத் துறை, தமிழ்நாடு மாசுக் கட்டுப்பாட்டு வாரியம், தன்னாா்வத் தொண்டு நிறுவனங்களைச் சோ்ந்தவா்களும் பொதுமக்களும் இணைந்து சாலையோரங்கள், வனப் பகுதிகளில் வீசி எறியப்பட்ட நெகிழிப் பொருள்கள், மதுப் புட்டிகள் ஆகியவற்றைச் சேகரித்து அப்புறப்படுத்தும் பணியில் சனிக்கிழமை ஈடுபட்டனா்.

இந்தப் பணியை உதவி வனப் பாதுகாவலா் வேல்மணி நிா்மலா தொடங்கி வைத்துக் கூறியதாவது: சாலையோரங்கள், வனப்பகுதிகளில் பொதுமக்கள் அமா்ந்து மது அருந்துதல், நெகிழிப் பொருள்களை வீசிச் செல்லுதல் போன்ற செயல்களில் ஈடுபடக்கூடாது. அவ்வாறு மீறினால் ஒட்டன்சத்திரம் வனச் சரகம், திண்டுக்கல் வனக் கோட்டம் சாா்பில் கடும் நடவடிக்கை எடுக்கப்படும் என்றாா் அவா்.

இந்த நிகழ்ச்சியில் ஒட்டன்சத்திரம் வனச் சரகா் ராஜா, கிருபா உழவா் உற்பத்தியாளா் நிறுவனத் தலைவா் பி.சிவக்குமாா், கிருபா அமைப்பின் இயக்குநா் சுஜாதா, தன்னாா்வலா்கள், பொதுமக்கள், வனத் துறையினா் உள்ளிட்டோா் கலந்து கொண்டனா்.