சேலம்: ஆட்சியர் அலுவலகத்தில் நுழைந்து அச்சுறுத்தும் குரங்குகள்... அரசு ஊழியர்கள்...
சிதம்பரம்: கடலூா் மாவட்டத்தில் 1,716 அரசு, அரசு உதவிபெறும் பள்ளிகளைச் பயிலும் 2,19,443 மாணவ, மாணவிகளுக்கு விலையில்லா பாடநூல்கள், பாடக்குறிப்பேடுகள், சீருடை, புத்தப்பை தொகுப்பு வழங்கப்பட உள்ளதாக ஆட்சியா் சிபி ஆதித்யா செந்தில்குமாா் தெரிவித்தாா்.
கடலூா் திருப்பாதிரிப்புலியூா் அரசு மகளிா் மேல்நிலைப் பள்ளியில் திங்கள்கிழமை நடைபெற்ற நிகழ்ச்சியில் மாவட்ட ஆட்சியா் சிபி ஆதித்யா செந்தில்குமாா், நிகழ் கல்வி ஆண்டுக்கான விலையில்லா பாடநூல்கள், பாடக்குறிப்பேடுகள், சீருடை, புத்தப்பை உள்ளிட்டவை அடங்கிய தொகுப்பை மாணவிகளுக்கு வழங்கி தொடங்கிவைத்தாா்.
நிகழ்ச்சிக்கு மாநகராட்சி மேயா் சுந்தரி ராஜா, மாநகராட்சி ஆணையாளா் எஸ்.அனு ஆகியோா் முன்னிலை வகித்தனா். இதில், ஆட்சியா் பேசியதாவது:
மாணவ, மாணவிகளுக்கு பாடநூல்கள், பாடக்குறிப்பேடுகள், சீருடை, புத்தப்பை உள்ளிட்ட விலையில்லா உபகரணங்கள் திருப்பாதிரிபுலியூா் அரசு மகளிா் மேல்நிலைப் பள்ளியில் பயிலும் 1612 மாணவிகளுக்கு திங்கள்கிழமை வழங்கி தொடங்கிவைக்கப்பட்டது.
இதன் தொடா்ச்சியாக, மாவட்டத்தில் பள்ளிக் கல்வித் துறையின் நிா்வாக அலகில் செயல்படும் 293 அரசு, அரசு உதவிபெறும் பள்ளிகளில் பயிலும் 1,32,905 மாணவ, மாணவிகளும் மற்றும் தொடக்கக் கல்வித் துறை நிா்வாக அலகில் செயல்படும் 1,423 அரசு, அரசு உதவிபெறும் பள்ளிகளில் பயிலும் 86,538 மாணவ, மாணவிகளும் என மொத்தம் 2,19,443 மாணவ, மாணவிகள் பயனடைவா்.
கடந்த கல்வி ஆண்டில் மாவட்ட நிா்வாகத்தின் மூலம் அரசு பொதுத்தோ்வில் தோ்ச்சி விகிதத்தை அதிகரிக்கவும், 100 சதவீதம் மாணவா்கள் தோ்வில் பங்கேற்றிடவும் ‘தடைகளை தாண்டி தோ்ச்சி’ என்ற புதிய முன்னெடுப்பை செயல்படுத்தியதன் மூலம் 10, 12-ஆம் வகுப்புகளில் மாணவா்களின் தோ்ச்சி விகிதம் அதிகரிக்கப்பட்டுள்ளது.
நிகழ் கல்வி ஆண்டிலும் ‘தடைகளை தாண்டி தோ்ச்சி’ திட்டத்தின் மூலம் மாணவா்களின் தோ்ச்சி விகிதத்தை அதிகரிக்க ஆசிரியா்களுக்கு அறிவுறுத்தப்பட்டுள்ளது என்றாா் ஆட்சியா்.
நிகழ்ச்சியில் மாவட்ட முதன்மைக் கல்வி அலுவலா் எல்லப்பன், திருப்பாதிரிப்புலியூா் அரசுப் பெண்கள் மேல்நிலைப் பள்ளித் தலைமையாசிரியா் இந்திரா உள்பட பலா் கலந்துகொண்டனா்.
