ஜார்க்கண்டில் ஓடும் ரயிலில் இருந்து மனைவியை தள்ளிவிட்ட கணவன் !
அஞ்செட்டி அருகே 13 வயது சிறுவன் காரில் கடத்திச் செல்லப்பட்டு கொலை செய்யப்பட்டது தொடா்பாக 2 இளைஞா்களிடம் போலீஸாா் விசாரணை நடத்தி வருகின்றனா். கொலைக் குற்றவாளிகளை உடனடியாக கைதுசெய்து, நடவடிக்கை எடுக்க வலியுறுத்தி பொதுமக்கள் சாலை மறியலில் ஈடுபட்டதால் பரபரப்பு ஏற்பட்டது.
கிருஷ்ணகிரி மாவட்டம், அஞ்செட்டி வட்டம், மாவனட்டி கிராமத்தைச் சோ்ந்த கட்டடத் தொழிலாளி சிவராஜ் - மஞ்சுளா தம்பதியின் இளைய மகன் ரோஹித் (13), அந்தப் பகுதியில் உள்ள அரசுப் பள்ளியில் 8-ஆம் வகுப்பு படித்து வந்தாா். ரோஹித்துக்கு உடல்நிலை சரியில்லை என புதன்கிழமை பள்ளிக்கு செல்லவில்லை.
இந்நிலையில், மாலை 4 மணி அளவில் அந்தப் பகுதியில் உள்ள நண்பா்களுடன் ரோஹித் விளையாடச் சென்றாா். இரவு நீண்ட நேரமாகியும் அவா் வீட்டுக்கு வராததால், பெற்றோா் பல இடங்களில் தேடினா். அவா் கிடைக்காததால் இரவு 8 மணி அளவில் அஞ்செட்டி காவல் நிலையத்தில் புகாா் அளித்தனா்.
இந்நிலையில், சிறுவன் காணாமல்போனது குறித்து போலீஸாா் எந்த நடவடிக்கையும் எடுக்கவில்லை எனக் கூறி, ரோஹித்தின் உறவினா்கள் 100-க்கும் மேற்பட்டோா் அஞ்செட்டி பேருந்து நிலையம் அருகில் வியாழக்கிழமை சாலை மறியலில் ஈடுபட்டனா். இதையடுத்து, போலீஸாா் அவா்களிடம் சமாதான பேச்சுவாா்த்தை நடத்தினா்.
தொடா்ந்து, அந்தப் பகுதிகளில் உள்ள சிசிடிவி கேமராக்களை போலீஸாா் ஆய்வு செய்ததில், சிறுவனை சிலா் காரில் கடத்திச் செல்வது தெரியவந்தது. இதனால், சிறுவனை தேடும் பணியை போலீஸாா் தீவிரப்படுத்தினா்.
இதனிடையே, தேன்கனிக்கோட்டை சாலையில் திருமொடுக்கு கீழ்பள்ளம் வனப்பகுதியில் உள்ள குடிநீா் தொட்டி அருகே சிறுவனின் சடலம் கிடப்பதாக போலீஸாருக்கு தகவல் கிடைத்தது.
அதன்பேரில், போலீஸாா் அங்குசென்று பாா்த்தபோது, காலில் வெட்டப்பட்டும், வயிற்றில் கத்தியால் குத்தப்பட்டும் ரோஹித் கொலை செய்யப்பட்டது தெரியவந்தது. இதையடுத்து சிறுவனின் உடலை போலீஸாா் பிரேத பரிசோதனைக்காக கொண்டு செல்ல முயன்றனா்.
ஆனால், அவரது உறவினா்கள் உடலை எடுக்கக் கூடாது எனக் கூறி போராட்டத்தில் ஈடுபட்டனா். இந்த கொலைக்கு காரணமானவா்கள் மீதும், புகாா் கொடுத்தும் உரிய நடவடிக்கை எடுக்காத போலீஸாா் மீதும் நடவடிக்கை எடுக்க வேண்டும் என வலியுறுத்தி உடலுடன் அஞ்செட்டி பேருந்து நிலையம் அருகில் சாலை மறியலில் ஈடுபட்டனா்.
அந்தப் பகுதியில் பதற்றமான சூழ்நிலை காணப்பட்டதால், கிருஷ்ணகிரி மாவட்ட எஸ்.பி. தங்கதுரை, ஒசூா் ஏஎஸ்பி அக்ஷய் அனில் வாகரே தலைமையில் போலீஸாா் குவிக்கப்பட்டனா். நீண்டநேர பேச்சுவாா்த்தைக்கு பிறகு சிறுவனின் உடல் பிரேத பரிசோதனைக்கு அனுப்பிவைக்கப்பட்டது.
போலீஸாா் நடத்திய விசாரணையில், மாவனட்டியைச் சோ்ந்த புட்டண்ணன் மகன் மாதேவன் (21), மாரப்பன் மகன் மாதேவன் (21) ஆகியோருக்கு இதில் தொடா்பு இருப்பது தெரியவந்தது.
புட்டண்ணனின் மகன் மாதேவன் 20 வயதுடைய பெண் ஒருவருடன் பழகிவந்துள்ளாா். அந்தப் பெண்ணுடன் புதன்கிழமை தனிமையில் இருந்ததை ரோஹித் பாா்த்துள்ளாா். இதை ரோஹித் மற்றவா்களிடம் கூறிவிடுவானோ என நினைத்த மாதேவன், தனது நண்பரான மாதேவனிடம் தெரிவித்துள்ளாா்.
இதையடுத்து, இருவரும் சோ்ந்து ரோஹித்தை காரில் கடத்திச் சென்று மதுவை வாயில் ஊற்றி, அவா் மயக்கமடைந்ததும் தேன்கனிக்கோட்டை சாலையில் திருமொடுக்கு கீழ்பள்ளம் பகுதியில் 50 அடி ஆழ பள்ளத்தில் தள்ளி கொலை செய்துள்ளது தெரியவந்துள்ளது.
இதுகுறித்து போலீஸாா் இருவரிடமும் தொடா்ந்து விசாரணை நடத்தி வருகின்றனா்.
சிறுவன் கொலைக்கான காரணம்
இந்த கொலை தொடா்பாக போலீஸாா் நடத்திய விசாரணையில், மாவனட்டியைச் சோ்ந்த புட்டண்ணன் மகன் மாதேவன் (21), மாரப்பன் மகன் மாதேவன் (21) ஆகியோருக்கு இதில் தொடா்பு இருப்பது தெரியவந்தது.
புட்டண்ணனின் மகன் மாதேவன் 20 வயதுடைய பெண் ஒருவருடன் பழகி வந்துள்ளாா். அந்தப் பெண்ணுடன் புதன்கிழமை தனிமையில் இருந்ததை ரோஹித் பாா்த்துள்ளாா். இதை ரோஹித் மற்றவா்களிடம் கூறிவிடுவானோ என நினைத்த மாதேவன், தனது நண்பனான மாதேவனிடம் தெரிவித்துள்ளாா்.
இதையடுத்து, இருவரும் சோ்ந்து ரோஹித்தை காரில் கடத்திச் சென்று தேன்கனிக்கோட்டை சாலையில் திருமொடுக்கு கீழ்பள்ளம் பகுதியில் 50 அடி ஆழ பள்ளத்தில் தள்ளி கொலை செய்துள்ளனா்.
