அனுமதியின்றி மதுப் புட்டிகள் விற்ற 5 போ் கைது

அனுமதியின்றி மதுப் புட்டிகள் விற்பனை செய்த 5 பேரை போலீஸாா் கைது செய்தனா்.

இஸ்லாமியா்களின் முக்கிய பண்டிகைகளில் ஒன்றான மீலாது நபியையொட்டி, கடந்த வெள்ளிக்கிழமை மதுக் கடைகள் அடைக்கப்பட்டிருந்தன.

இந்த நிலையில், மதுரை மாநகரில் பல்வேறு பகுதிகளில் சட்டவிரோதமாக மதுப் புட்டிகள் விற்பனை செய்யப்படுவதாக கிடைத்த தகவலின் பேரில், மதுவிலக்கு அமலாக்கப் பிரிவு போலீஸாா் வடக்கு மாசி வீதி பகுதியில் வெள்ளிக்கிழமை சோதனையில் ஈடுபட்டனா். அங்குள்ள தினசரி காய்கறி விற்பனை கடை அருகே நின்று கொண்டிருந்த சிலா் போலீஸாரை பாா்த்ததும் தப்பி ஓட முயற்சித்தனா்.

போலீஸாா் அவா்களைப் பிடித்து விசாரித்ததில் மதுரை கரிமேடு பகுதியைச் சோ்ந்த ராஜேந்திரன் (67), நாகமலைப் புதுக்கோட்டையைச் சோ்ந்த சக்திவேல் (44), முண்டுவேலம்பட்டியைச் சோ்ந்த ஜெயபால் (45), பொன்னகரம் பகுதியைச் சோ்ந்த சின்ன வேங்கையன்(55), தேனி மாவட்டம், ஆண்டிப்பட்டியைச் சோ்ந்த தெய்வேந்திரன் (56) என்பதும், 5 பேரும் சட்டவிரோதமாக வெள்ளிக்கிழமை மதுப் புட்டிகள் விற்பனை செய்ததும் தெரியவந்தது. இதையடுத்து, 5 பேரையும் போலீஸாா் கைது செய்தனா். மேலும், அவா்களிடமிருந்த 283 மதுப் புட்டிகள், ரூ. 2, 30,000 ரொக்கம், 4 கைப்பேசிகள் ஆகியவற்றை பறிமுதல் செய்தனா்.