எழும்பூா் - புதுச்சேரி மெமு ரயில் ஆக.4 வரை கடற்கரையிலிருந்து இயக்கப்படும்
விழுப்புரம் மாவட்டத் தொழிலாளா் உதவி ஆணையா் அலுவலகத்தில் அமைப்புசாராத் தொழிலாளா்களுக்கு நல உதவிகள் செவ்வாய்க்கிழமை வழங்கப்பட்டன.
விழுப்புரம் மாவட்டத் தொழிலாளா் உதவி ஆணையா் அலுவலகத்தில் (சமூகப் பாதுகாப்புத் திட்டம்) தமிழக உடலுழைப்புத் தொழிலாளா்கள் சமூகப் பாதுகாப்பு மற்றும் நலவாரிய உறுப்பினா் செஞ்சி சிவா செவ்வாய்க்கிழமை ஆய்வு மேற்கொண்டாா். இந்த ஆய்வில் அலுவலகத்திலுள்ள கட்டமைப்பு, தொழிலாளா்களுக்கான பதிவு வசதிகள் குறித்து ஆய்வு செய்த அவா், தொழிலாளா்களிடம் குறைகளைக் கேட்டறிந்தாா்.
தொடா்ந்து தொழிலாளா்களுக்கு அரசின் புதிய திட்டங்களைக் கொண்டு சோ்க்க வேண்டும். தொழிலாளா்களின் பதிவுகளைப் புதுப்பித்தல் மற்றும் அவா்களின் கோரிக்கை விண்ணப்பங்களை சரிபாா்த்து, உடனடியாக ஒப்புதல் அளித்து செயல்படுத்த வேண்டும். மேலும் உறுப்பினா்களை நலவாரியங்களில் அதிகளவில் சோ்க்க நடவடிக்கை எடுக்க வேண்டும் என்று அலுவலா்களை கேட்டுக் கொண்டாா்.
இதைத் தொடா்ந்து அமைப்புசாரா நலவாரியத்தைச் சோ்ந்த 60 வயதைக் கடந்த தொழிலாளா்களுக்கு அரசு சாா்பில் வழங்கப்படும் ஓய்வூதிய ஒப்படைப்புக்கான ஆணைகள் உள்ளிட்ட நல உதவிகளை செஞ்சி சிவா வழங்கினாா்.
ஆய்வின் போது தொழிலாளா் உதவி ஆணையா் ராஜசேகரன் உள்ளிட்டோா் பங்கேற்றனா்.
