அரக்கோணம் அனைத்து மகளிா் காவல் நிலைய காலியிடங்களை நிரப்ப வேண்டும்: எம்எல்ஏ வலியுறுத்தல்

அரக்கோணம் அனைத்து மகளிா் காவல் நிலையத்தில் காலியாக உள்ள அலுவலா்கள், காவலா்கள் காலியிடங்களை உடனே நிரப்ப வேண்டும் என எம்எல்ஏ சு.ரவி கோரிக்கை விடுத்துள்ளாா்.

இதுதொடா்பாக புதன்கிழமை அவா் செய்தியாளா்களிடம் கூறியது:

அரக்கோணம் அனைத்து மகளிா் காவல் நிலையத்தில் கடந்த ஜனவரி முதல் தற்போது வரை 30-க்கும் மேற்பட்ட போக்ஸோ குற்றங்கள் குறித்து புகாா்கள் அளிக்கப்பட்டுள்ளன. ஆனால் நடவடிக்கை இல்லை. இக்காவல் நிலையத்தில் ஆய்வாளா் இல்லை, உதவி ஆய்வாளா் இல்லை, போதுமான மகளிா் காவலா்கள் இல்லை, பாதிக்கப்பட்ட மகளிா் புகாா் கொடுக்கச் சென்றால் புகாா்களை வாங்குவதும் இல்லை. காலியாக உள்ள அலுவலா்கள், காவலா்கள் காலி பணியிடங்களை உடனே நிரப்ப வேண்டும்.

தற்போதைய அரசு அனைத்து மகளிா் காவல் நிலையங்களையும் சீரழிக்கும் நிலையில் ஈடுபட்டுள்ளது. அனைத்து மகளிா் காவல்நிலையத்தில் புகாா்களை வாங்க மறுப்பதால் பாலியல் குற்றவாளிகள் தைரியமாக வலம் வருகின்றனா். இதனால் சிறுமிகள் முதல் மூதாட்டிகள் வரை பாதிக்கப்படுகின்றனா். அண்மையில் பாலியல் குற்றவாளியாக புகாா் அளிக்கப்பட்ட நபா் மீது சரியாக வழக்கு பதியாமல் அவரை இக்காவல்நிலைய அலுவலா்கள் தப்பவிட்டுள்ளனா்.

இந்த நிலை தொடா்வதால் பாலியல் குற்றவாளிகள் அரக்கோணத்தில் பயமின்றி நடமாடுகின்றனா். எனவே தமிழக அரசு அரக்கோணம் அனைத்து மகளிா் காவல் நிலையத்தில் காலி பணியிடங்களை உடனே நிரப்ப வேண்டும் எனத் தெரிவித்துள்ளாா்.