அரசினா் கலைக் கல்லூரியில் வேலைவாய்ப்பு முகாம்

கும்பகோணம் அரசினா் கலைக் கல்லூரியில் திங்கள்கிழமை ‘நான் முதல்வன்’ திட்டத்தின் சாா்பில், 30 தனியாா் நிறுவனங்கள் பங்கேற்ற வேலைவாய்ப்பு முகாம் நடைபெற்றது.

கல்லுாரி பொறுப்பு முதல்வா் சீ. தங்கராசு தலைமை வகித்தாா். கும்பகோணம் அரசு ஆடவா் கல்லூரி, அரசு மகளிா் கலைக் கல்லூரி, இதயா மகளிா் கல்லூரி, மாஸ் கலை மற்றும் அறிவியல் கல்லூரி, தஞ்சாவூா் குந்தவை நாச்சியாா் அரசு மகளிா் கலைக் கல்லூரி மற்றும் திருவாரூா் மாவட்டத்தின் சாா்பில் குடவாசல் அரசு கலை மற்றும் அறிவியல் கல்லூரி, கூத்தாநல்லூா் அரசு கலை மற்றும் அறிவியல் கல்லுாரி மற்றும் மஞ்சக்குடி தயானந்தா கல்லூரிகளைச் சோ்ந்த சுமாா் 500-க்கும் மேற்பட்ட மாணவ மாணவிகள் கலந்து கொண்டனா். இவா்களிடம் நோ்காணல் நடத்தி 438 போ் தோ்வு பெற்று பல்வேறு நிறுவனங்கள் மூலமாக பணி நியமன கடிதம் பெற்றனா்.

ஏற்பாடுகளை நான் முதல்வன் திட்ட ஒருங்கிணைப்பாளா் பேராசிரியா் சா. சரவணன், கல்லூரி வேலைவாய்ப்பு அலுவலா் சா. ரமேஷ் மற்றும் துறைத் தலைவா்கள் செய்தனா்.