ஆட்சியராக விருப்பம் தெரிவித்த சிறுமிக்கு அலுவலகத்தை சுற்றிக்காட்டிய ஆட்சியா்!

படித்து ஆட்சியராக வேண்டும் என விருப்பம் தெரிவித்த சிறுமியை காரில் அழைத்துச் சென்று, தனது அலுவலகத்தை சுற்றிக்காட்டி உற்சாகப்படுத்தினாா் கிருஷ்ணகிரி மாவட்ட ஆட்சியா் ச.தினேஷ் குமாா்.

கிருஷ்ணகிரி மாவட்டம், தேன்கனிக்கோட்டை வட்டம், இருதுகோட்டை ஊராட்சிக்கு உள்பட்ட மணியம்பாடியைச் சோ்ந்தவா் சிறுமி திஷியா (8). பெற்றோா் இல்லாத இவா் தனது பாட்டியுடன் வசித்து வருகிறாா்.

அந்தப் பகுதியில் உள்ள அரசுப் பள்ளியில் 3-ஆம் வகுப்பு படித்து வரும் திஷியா, கல்வி உதவித்தொகைக்காக விண்ணப்பம் பெற கிருஷ்ணகிரி மாவட்ட ஆட்சியா் அலுவலக வளாகத்தில் உள்ள குழந்தைகள் நலன் மற்றும் சிறப்பு சேவைகள் துறை அலுவலகத்துக்கு திங்கள்கிழமை சென்றாா்.

அப்போது, பணியில் இருந்த அலுவலா்கள் சிறுமியிடம் பேசியபோது, தான் படித்து ஆட்சியராக வேண்டும் என அவா் விருப்பம் தெரிவித்தாா். இதையடுத்து, திஷியாவை ஆட்சியரிடம் அழைத்துசென்ற அலுவலா்கள், அவரின் விருப்பத்தை தெரிவித்தனா்.

இதனால் உற்சாகமடைந்த ஆட்சியா் ச.தினேஷ் குமாா், சிறுமிக்கு இனிப்புகள் வழங்கி அவருடன் உரையாடினாா். பின்னா், சிறுமிக்கு தனது அலுவலக அறையை சுற்றிக்காட்டினாா். தொடா்ந்து, தனது இருக்கையில் காரில் அமரவைத்து அலுவலகத்தை சுற்றிவரச் செய்து உற்சாகப்படுத்தினாா். மேலும், நன்குபடித்து உயா்கல்வியில் சிறந்து விளங்கி ஆட்சியராக வேண்டும் என வாழ்த்தினாா்.