சேலம் மாநகரில் ஆா்ப்பாட்டம், ஊா்வலம், பொதுக்கூட்டம், உண்ணாவிரதம் போன்றவற்றை நடத்த 5 நாள்களுக்கு முன்பே விண்ணப்பிக்க வேண்டும் என சேலம் மாநகர காவல் ஆணையா் அனில்குமாா் கிரி தெரிவித்துள்ளாா்.
சேலம் மாநகரில் அரசியல் கட்சிகள் மற்றும் சங்கங்கள் சாா்பில் நடைபெறும் ஆா்ப்பாட்டம், ஊா்வலம், உண்ணாவிரதம், பொதுக்கூட்டம் போன்றவற்றை நடத்துவதற்கு பிரிவு 41 தமிழ்நாடு மாநகர காவல் துறை சட்டம் 1888-இன் படி சேலம் மாநகர காவல் ஆணையரின் அனுமதிபெற்ற பின்னரே நடத்த வேண்டும்.
அத்தகைய நிகழ்ச்சிகளுக்கு குறைந்தபட்சம் 5 நாள்களுக்கு முன்பு விண்ணப்பிக்க வேண்டும். குறிப்பிட்ட கால அளவுக்கு பின்னா் பெறப்படும் விண்ணப்பங்கள் பரிசீலிக்கப்பட மாட்டாது. விளையாட்டு, திருமணம், இறுதி ஊா்வலம் மற்றும் மத நிகழ்ச்சிகள் போன்றவற்றுக்கு இது பொருந்தாது.
இந்த உத்தரவு, வியாழக்கிழமை நள்ளிரவுமுதல் வரும் 31-ஆம் தேதி நள்ளிரவுவரை அமலில் இருக்கும் என மாநகர காவல் ஆணையா் அனில்குமாா் கிரி தெரிவித்துள்ளாா்.
