வன்னியா் சங்கத்தின் சாா்பில் பூம்புகாரில் ஞாயிற்றுக்கிழமை வன்னிய மகளிா் பெருவிழா மாநாடு நடைபெறுகிறது.
மாநாட்டிற்கான பந்தல் அமைக்கும் பணிகள் பூம்புகாா் சிலப்பதிகார கலைக்கூட வளாகத்தில் நடைபெற்று வருகிறது. இந்தப் பணிகளை பாமக சட்டப்பேரவைக் குழு தலைவரும், கட்சியின் கௌரவத் தலைவருமான ஜி.கே.மணி சனிக்கிழமை ஆய்வு செய்து செய்தியாளா்களிடம் கூறியது:
பாமக நிறுவனா் டாக்டா் ராமதாஸ், நான் (ஜிகே மணி), வன்னியா் சங்க தலைவா் பு.தா. அருள்மொழி, சட்டப்பேரவை உறுப்பினா்கள் மாநாட்டில் கலந்து கொள்ள உள்ளனா். இதை ஒட்டி சிலப்பதிகார நாடகம், கலை நிகழ்ச்சிகள் நடக்கிறது.
பாமகவின் உட்கட்சி பிரச்னை விரைவில் தீா்ந்து விடும். தமிழகத்தில் போதைப் பொருள் கலாசாரத்தை முற்றிலும் தடுக்க வலியுறுத்தித்தான் இம்மாநாடு நடக்கிறது.
வன்னியா்களுக்கு 10.5% இட ஒதுக்கீடு உடனடியாக வழங்கக் கோரியும், அனைத்து ஜாதியினருக்கும் பாரபட்சமற்ற இட ஒதுக்கீடு வழங்க ஏதுவாக ஜாதி வாரிக் கணக்கெடுப்பு நடத்தக் கோரியும் வலியுறுத்தி தீா்மானங்கள் நிறைவேற்றப்பட உள்ளன.
மாநாட்டிற்கு உரிய அனுமதி அரசிடம் இருந்து பெறப்பட்டுள்ளது. காவல்துறையினா் விதித்த நிபந்தனைகளை கடைப்பிடித்து மாநாடு நடக்கிறது. சென்னை, கடலூா், சேலம் உள்ளிட்ட வட மாவட்டங்களில் இருந்து வரும் வாகனங்கள் சீா்காழி சட்டநாதபுரம், திருவெண்காடு வழியாக பூம்புகாரை வந்தடையவும், திருச்சி, தஞ்சாவூா் பகுதிகளில் இருந்து வரும் வாகனங்கள் கும்பகோணம், மயிலாடுதுறை வழியாக வரவும், நாகை, திருவாரூா் பகுதிகளில் இருந்து வரும் வாகனங்கள் பொறையாா், கருவி வழியாக வருவதற்கும் ஏற்பாடுகள் செய்யப்பட்டுள்ளதாகக் கூறினாா்.
மாவட்டச் செயலாளா்கள் மா. க. ஸ்டாலின், பாக்கம் சக்திவேல், தஞ்சை மண்டலச் செயலாளா் ஐயப்பன், தஞ்சை மண்டல அமைப்புச் செயலாளா் எம்.ஆா். ஜே.முத்துக்குமாா் ஆகியோா் உடன் இருந்தனா்.
