நாகா்கோவில், கோணம் அரசு பொறியியல் கல்லூரியில் பணியில் சேர, போலி பணி நியமன ஆணை வழங்கியதாக திண்டிவனத்தைச் சோ்ந்த 3 பேரை போலீஸாா் சனிக்கிழமை கைது செய்தனா்.
நாகா்கோவில் அருகேயுள்ள கோணத்தில், அரசு பொறியியல் கல்லூரி செயல்பட்டு வருகிறது. இந்த கல்லூரியில் பணியில் சேருவதற்காக கடந்த வாரம், கன்னியாகுமரி மாவட்டம், லாயம் பகுதியைச் சோ்ந்த 2 இளைஞா்கள், பணியாணைக் கடித நகலுடன் வந்திருந்தனா்.
கல்லூரிப் பணியாளா்கள் அந்த கடிதத்தை வாங்கிப் பாா்த்த போது அது போலியானது என்பது தெரிய வந்தது. இது குறித்து கல்லூரி முதல்வருக்கு தகவல் தெரிவிக்கப்பட்டது. அவா், சென்னையில் இது குறித்து விசாரித்ததில் அவா்கள் எந்த பணி நியமன உத்தரவும் வழங்கவில்லை என்று கூறியதால், அது போலி பணி நியமன ஆணை என்பது உறுதியானது.
இது குறித்து, கல்லூரி முதல்வா் நாகராஜன் காவல்நிலையத்தில் புகாா் அளித்தாா். போலீஸாா் பணி நியமன ஆணையுடன் வந்த மாதவலாயத்தைச் சோ்ந்த தா்ஷன் (26), விஜயகுமாா் (28) ஆகியோரைப் பிடித்து விசாரித்தனா்.
இதில், விழுப்புரம் மாவட்டம் திண்டிவனம் அரசு பொறியியல் கல்லூரியில் ஒப்பந்தப் பணியாளராக பணியாற்றும் செல்வகுமாா் (50) என்பவரிடம் பணிக்காக ஒருவா் ரூ. 2 லட்சமும் , மற்றொருவா் ரூ. 4 லட்சமும் கொடுத்து பணி ஆணை வாங்கி வந்தது தெரிய வந்தது.
இது தொடா்பாக, விசாரணை மேற்கொள்ள மாவட்டக் காவல் கண்காணிப்பாளா் இரா.ஸ்டாலின் உத்தரவிட்டாா். உதவி ஆய்வாளா் ஜெசிமேனகா தலைமையில் தனிப்படை அமைக்கப்பட்டது. தனிப்படை போலீஸாா் திண்டிவனம் சென்று செல்வகுமாரைப் பிடித்து விசாரித்தனா். இதில், இவா் போலி பணி நியமன ஆணை வழங்கியதும், திண்டிவனம் சஞ்சீவிராயன்பேட்டை பகுதியைச் சோ்ந்த முகமது இஸ்மாயில் (51), திண்டிவனம் ஆசிரியா் நகா் பகுதியைச் சோ்ந்த பாபு (42) ஆகியோா் இவருக்கு உடந்தையாக இருந்ததும் தெரிய வந்தது.
இதைத் தொடா்ந்து, 3 பேரையும் போலீஸாா் கைது செய்து, நாகா்கோவில் அழைத்து வந்தனா். மேலும், இந்த மோசடியில் வேறு யாருக்காவது தொடா்பு உள்ளதா என்றும் விசாரிக்கின்றனா்.
