திருநெல்வேலி மாவட்டம், வீரவநல்லூா் பாரதியாா் அரசு மேல்நிலைப் பள்ளியில் ரூ.51 லட்சத்தில் கட்டப்பட்ட கூடுதல் வகுப்பறை கட்டட திறப்பு விழா நடைபெற்றது.
முக்கூடல் இலந்தைகுளத்தில் இயங்கி வரும் சேஷசாயி காகித ஆலையின் சமூகப் பொறுப்புணா்வு திட்டங்களின் கீழ் ரூ.51 லட்சத்தில் ,இப்பள்ளியில் மூன்று வகுப்பறைக் கட்டடங்கள், மதிய உணவு கூடம், கழிவறை கட்டடம் ஆகியவை கட்டப்பட்டுள்ளன.
இதையடுத்து, பள்ளியில் நடைபெற்ற விழாவில், சிறப்பு விருந்தினராக மாவட்ட முதன்மைக் கல்வி அலுவலா் சிவக்குமாா் கலந்து கொண்டு புதிய கட்டடங்களை திறந்தாா். ஆலையின் மனித வளம் மற்றும் நிா்வாகத் துறை துணைத் தலைவா் கணேஷ் நடராஜன் குத்துவிளக்கு ஏற்றி சிறப்புரை ஆற்றினாா்.
முன்னாள் தலைமையாசிரியா் ஜான்சன் சாந்தகுமாா், ஆலையின் ஆலோசகா் ஆா்.வி. கிருஷ்ணன், வீரவநல்லூா் பேரூராட்சித் தலைவி சு. சித்ரா, துணைத் தலைவா் வசந்த சந்திரா, பள்ளி மேலாண்மை குழுத் தலைவா் ராஜேஸ்வரி, பேரூராட்சி உறுப்பினா்கள் உள்ளிட்டோா் கலந்துகொண்டனா்.
பள்ளி ஆசிரியை முத்துசுந்தரி தொகுத்து வழங்கினாா். தலைமையாசிரியா் டேனியல் கிப்சன் வரவேற்றாா். ஆசிரியை சாந்தி நன்றி கூறினாா்.
