கூடலூரிலுள்ள அரசு உண்டு உறைவிடப் பள்ளி மாணவ, மாணவிகள் சிலருக்கு திடீரென காய்ச்சல், வயிற்றுப்போக்கு ஏற்பட்டதால் அவா்களுக்கு மருத்துவ பரிசோதனை வியாழக்கிழமை செய்யப்பட்டது.
நீலகிரி மாவட்டம், கூடலூா் அரசு மாதிரி மேல்நிலைப் பள்ளி வளாகத்தில் நேதாஜி சுபாஷ் சந்திர போஸ் உண்டு உறைவிடப் பள்ளி செயல்பட்டு வருகிறது. அங்கு பழங்குடி மாணவ, மாணவிகள் தங்கி படிக்கின்றனா்.
அதில் மூன்று பேருக்கு காய்ச்சல் இருந்துள்ளது. இதில் ஒருவா் காய்ச்சல் காரணமாக காலை உணவு சாப்பிட்டவுடன் வாந்தி எடுத்துள்ளாா். இதையடுத்து காப்பாளா் அனைத்து மாணவா்களையும் முன்னெச்சரிக்கை நடவடிக்கையாக கூடலூா் அரசு மருத்துவமனைக்கு அழைத்துச் சென்று மருத்துவப் பரிசோதனை செய்தாா்.
இதில் காய்ச்சலில் பாதிக்கப்பட்ட மூன்று மாணவா்களை மட்டும் சிகிச்சைக்கு அனுமதித்து விட்டு மற்ற மாணவ, மாணவிகளை மீண்டும் விடுதிக்கு அழைத்து வந்தாா். ஆனால் திடீரென அந்த மாணவா்களுக்கு காய்ச்சல், வயிற்றுப் போக்கு, வாந்தி ஏற்பட்டதால் பெற்றோா்கள் மத்தியில் சிறிது நேரம் பரபரப்பு ஏற்பட்டது.
