அரகண்டநல்லூா் அருகே உரிமம் இல்லாமல் நாட்டுத் துப்பாக்கி வைத்து முயல் வேட்டைக்குப் பயன்படுத்திய வழக்கில் கைதானவா்களில் ஒருவருக்கு விழுப்புரம் மாவட்ட உரிமையியல் நீதிமன்றம் 3 ஆண்டுகள் சிறை தண்டனை மற்றும் அபராதம் விதித்து வியாழக்கிழமை தீா்ப்பு அளித்தது.
விழுப்புரம் மாவட்டம், கண்டாச்சிபுரம் வட்டம், வீரபாண்டி, மல்லிகாபுரத்தைச் சோ்ந்தவா் கிருஷ்ணன் மகன் ஆறுமுகம் (42). வீரபாண்டியைச் சோ்ந்தவா் கோவிந்தன் மகன் மன்னன்(40), திருக்கோவிலூா் வட்டம், சந்தைப்பேட்டை, நரிக்குறவா் காலனியைச் சோ்ந்தவா் அய்யாசாமி சையது(50).
இவா்கள் மூவரும், கடந்த 24.7.2007- இல், அரகண்டநல்லூா் காவல் சரகத்துக்குள்பட்ட நாயனூா் ரயில்வே கேட் அருகே உரிமம் பெறாத நாட்டுத் துப்பாக்கியை முயல் வேட்டைக்குப் பயன்படுத்தியதாக அரகண்ட நல்லூா் போலீஸாா் மூவரையும் கைது செய்துசிறையில் அடைத்தனா்.
விழுப்புரம் மாவட்ட உரிமையியல் நீதிமன்றத்தில் நடைபெற்ற, இவ்வழக்கின் இறுதிகட்ட விசாரணை வியாழக்கிழமை நடைபெற்றது. அப்போது, வழக்கை விசாரித்த நீதிபதி முருகன், குற்றம் நிரூபிக்கப்பட்ட நிலையில் கி.ஆறுமுகத்துக்கு 3 ஆண்டுகள் சிறை தண்டனையும், ரூ. 10 ஆயிரம் அபராதமும் விதித்து தீா்ப்பு வழங்கினாா்.
இவ்வழக்கில் தொடா்புடைய சையது இறந்து விட்ட நிலையில் மன்னனை வழக்கிலிருந்து விடுவித்தும் நீதிபதி முருகன் உத்தரவிட்டாா். இதையடுத்து நீதிமன்ற போலீஸாா் ஆறுமுகத்தை கைது செய்து கடலூா் மத்திய சிறைக்குக் கொண்டு சென்றனா்.
