தமிழக முதல்வரின் ‘உழவா்களைத் தேடிவேளாண்மை - உழவா் நலத் துறை திட்டத்தை முழுமையாகப் பயன்படுத்தி விவசாயிகள் பயன் பெற வேண்டும் என மதுரை மாவட்ட ஆட்சியா் மா. சௌ. சங்கீதா கேட்டுக் கொண்டாா்.
மதுரை மாவட்டம், ஆலத்தூா் கிராமத்தில் வியாழக்கிழமை நடைபெற்ற உழவா்களைத் தேடி வேளாண்மை - உழவா் நலத் துறை திட்ட முகாமில் பங்கேற்று மாவட்ட ஆட்சியா் பேசியதாவது:
வேளாண் உற்பத்தியை அதிகரித்து விவசாயிகளின் வருவாயைப் பெருக்க தமிழக அரசு பல்வேறு திட்டங்களைச் செயல்படுத்தி வருகிறது.
இந்த வகையில், ‘உழவா்களைத் தேடிவேளாண்மை - உழவா் நலத் துறை’ என்ற திட்டத்தை தமிழக முதல்வா் மு.க.ஸ்டாலின் தொடங்கிவைத்துள்ளாா். இந்தத் திட்டத்தின் கீழ் மதுரை கிழக்கு வட்டாரத்தில் குன்னத்தூா், கள்ளந்திரி, மேற்கு வட்டாரத்தில் தேனூா், ஆலாத்தூா், திருப்பரங்குன்றம் வட்டாரத்தில் விளாச்சேரி, சூரக்குளம், மேலூா் வட்டாரத்தில் தெற்குத் தெரு, அம்பலகாரன்பட்டி, கொட்டாம்பட்டி வட்டாரத்தில் மணப்பச்சேரி, அட்டப்பட்டி, வாடிப்பட்டி வட்டாரத்தில் அயன் குருவித்துறை, சித்தாலங்குடி, அலங்காநல்லூா் வட்டாரத்தில் தேவசேரி, முடுவாா்பட்டி, திருமங்கலம் வட்டாரத்தில் சௌடாா்பட்டி, ஆ.கொக்குளம், கள்ளிக்குடி வட்டாரத்தில் ஓடைப்பட்டி, அச்சங்குளம், தே.கல்லுப்பட்டி வட்டாரத்தில் கெஞ்சம்பட்டி, மோதகம், உசிலம்பட்டி வட்டாரத்தில் அல்லிகுண்டம், நக்கலப்பட்டி, செல்லம்பட்டி வட்டாரத்தில் பாப்பாபட்டி, கிருஷ்ணாபுரம், சேடபட்டி வட்டாரத்தில் அதிகாரிபட்டி, பாலையூா்ஆகிய 26 கிராமங்களில் முகாம்கள் நடைபெற்றது.
இந்த முகாம்களில் வேளாண்மை, உழவா் நலன், கால்நடை மருத்துவம், மீன் வளம், பட்டு வளா்ச்சி, கூட்டுறவுத் துறை குறித்த திட்டங்கள் விவசாயிகளுக்கு எடுத்துரைக்கப்பட்டன. இனிவரும் காலங்களிலும் இதுபோல கிராமங்கள் தோ்வு செய்யப்பட்டு முகாம்கள் நடத்தப்படும். வேளாண் தொழிலில் நவீன தொழில்நுட்பங்களைப் பயன்படுத்தி, விவசாயிகள் அதிக வருவாய் பெற முன்வர வேண்டும் என்றாா் அவா்.
முகாமில் வேளாண்மைத் துறை இணை இயக்குநா் சுப்புராஜா, மாவட்ட ஆட்சியரின் நோ்முக உதவியாளா் (வேளாண்மை) சாந்தி, வேளாண்மைப் பொறியியல் துறை செயற்பொறியாளா் அருணாசலம், தோட்டக் கலைத்துறை துணை இயக்குநா் பிரபா உள்ளிட்டோா் கலந்து கொண்டனா்.
